របៀបធ្វើតារាងក្នុង Microsoft Word រួចយកមកដាក់ក្នុងអត្ថបទប្លក

   ក្នុងប្រព័ន្ធ Blogger មិនមានមុខងារ ឬឧបករណ៍ (tool) អាចឲ្យអ្នកប្រើប្រាស់ បង្កើតជាតារាងផ្សេងៗបាននោះទេ, បើអ្នកចង់ប្រើតារាង (tables) ក្នុងអត្ថបទប្លក ទាល់តែអ្នកចេះភាសា HTML ឬ CSS ជាដើម។ ដូច្នេះចំពោះអ្នកសរសេរប្លក ដែលមិនដឹងពីភាសាក្នុងការបង្កើតជាតារាងឡើងមក ប្រាកដជាមានការពិបាក ដោយអ្នកខ្លះគាត់បានប្រើកម្មវិធីសម្រាប់បង្កើតតារាងផ្សេងៗ ដោយ copy យកមកដាក់ក្នុងប្លកគាត់ តែវាមិនត្រឹមត្រូវតាមការចង់បាននៅឡើយ។
   ក្នុងគន្លឹះនេះនឹងបង្ហាញជូនពីរបៀបបង្កើតតារាងនៅក្នុងកម្មវិធី Microsoft Word រួចយកមកដាក់ចូលក្នុងអត្ថបទប្លក ដោយរក្សាបានទ្រង់ទ្រាយម៉ូដនៅដដែល :D សូមមើលពីរបៀបធ្វើទាំងអស់គ្នា ៖

   Tables គឺជាធាតុមួយដ៏មានប្រយោជន៍មិនថាកិច្ចការការិយាល័យ និងនៅលើគេហទំព័រឡើយ គេត្រូវការបង្កើតជា tables ដើម្បីផ្សព្វផ្សាយពីអ្វីមួយដូចជា ធ្វើការប្រៀបធៀបមុខងារ សេវាកម្ម ឬឧបករណ៍នានា។ បើសិនជាយើងសរសេរប្រៀបធៀប ដោយមិនធ្វើជាតារាងក៏បានដែរ តែមើលទៅមិនសមស្រប តាមអ្នកចូលអានដែលពួកគាត់ចង់បាន។

៙ របៀបបង្កើត Tables ក្នុង MS Word ៖

វាជារឿងងាយស្រួលណាស់! ក្នុងការធ្វើតារាងមួយ មានពណ៌ស្រស់ស្អាត មានបន្ទាត់ស៊ុម ទៅតាមការចង់បានរបស់លោកអ្នកជាមួយ Microsoft Word។ *****សន្មតថា : លោកអ្នកមានកម្មវិធី Microsoft Word ស៊េរីចាប់ពី 2007 ឡើងទៅ។

- ចូរបើកកម្មវិធី Microsoft Word ប្រើ
- ដោយឈរលើតាប Insert >> Tables ចុចបង្កើតតារាងទៅតាមចំនួនប្រឡោះដែលអ្នកត្រូវការ។ (សូមមើលរូបខាងក្រោម)

Insert >> Tables

- បន្ទាប់មក ដោយឈរលើតាប Design នៅត្រង់ Tables Styles លោកអ្នកអាចជ្រើសរើស គំរូម៉ូដ ពណ៌ របស់តារាងដែលមានស្រាប់ៗ, តែបើលោកអ្នកមិនចង់ដាក់ពណ៌សូមរំលងចំណុចនេះ (សូមមើលរូបខាងក្រោម)

Design >> Tables Styles

- បន្ទាប់ពី ចាក់ពណ៌ ដាក់កម្រាស់បន្ទាត់ឲ្យតារាងហើយ, យើងត្រប់ទៅឈរលើតាប Home ដើម្បីសរសេរអក្សរផ្សេងៗទៅក្នុងតារាងរបស់យើង។ (សូមមើលរូបខាងក្រោម)

ឈរលើតាប Home រួចសរសេរអ្វីៗ

ចំណាំ ៖ អក្សរត្រូវតែសរសេរជាយូនីកូដខ្មែរ, លោកអ្នកមិនត្រូវប្រើពុម្ពអក្សរម៉ូដណាដែលកុំព្យូទ័រអ្នកដទៃអត់ មាននោះទេ គួរប្រើពុម្ពអក្សរស៊េរី Khmer OS ។

៙ របៀបយក Tables ដាក់ក្នុងអត្ថបទប្លក ៖

- បន្ទាប់ពីធ្វើតារាងធ្វើតារាង ចាក់ពណ៌ ដាក់ស៊ុមរួចហើយចុច select លើតារាង រួចចម្លងវាមកទៅបិទភ្ជាប់ ដោយឈរលើតាម Compose នៅពេលសរសេរក្នុងអត្ថបទប្លកជាការស្រេច។ (សូមមើលរូបខាងក្រោម)

ចុច select រួច copy

យកមក paste (ដោយឈរលើ Compose)

-សាកចុច Preview ដើម្បីមើលសាក។

ចំណាំ ៖ នៅពេលខ្លះ តារាងរបស់យើងដែរ paste ចូលមកមិនបង្ហាញដូចដើមនៅ Compose ទេ តែវានឹងបង្ហាញយ៉ាងត្រឹមត្រូវវិញ នៅពេលមើលជា Preview ឬ ពេល Publish៕

លទ្ធផលដែលទទួលបាន ៖

ល.រ	រាយមុខទំនិញ	ចំនួន	តម្លៃរាយ	តម្លៃសរុប
១
២
៣
៤
			សរុប