ប្រើ keyboard របស់កុំព្យូទ័រដើម្បីបញ្ចូល text ឲ្យ Android តាមរយៈ Wi-Fi ឬ USB

ជាធម្មតាយើងតែងតែប្រើនូវ keyboard របស់កុំព្យូទ័រដើម្បីធ្វើការវាយបញ្ចូលអក្សរសម្រាប់ការផ្ញើសារ និង អ៊ីមែល ឬក៏កត់ត្រានូវឯកសារផ្សេងៗជាច្រើនទៀត ជាដើម ។ យ៉ាងណាមិញចំពោះឧបករណ៍ Android តើយើងនឹងវាយបញ្ចូលនូវអក្សរដើម្បីបំពេញការងារទាំងឡាយដោយរបៀបម៉េច ដើម្បីឲ្យមានភាពរហ័សដូចជា ការប្រើ keyboard របស់ PC ? ថ្វីបើ keybaord ដែលមាននៅលើឧបករណ៍ Android ហាក់ពិបាកប្រើបន្តិចមែន តែគេក៏មាននូវ keyboard Bluetooth មួយចំនួនដែលអាចប្រើជាមួយនឹងឧបករណ៍ទាំងនោះផងដែរ ។

ជាការពិត keyboard Bluetooth ពិតជាអាចជួយក្នុងការវាយបញ្ចូល text សម្រាប់ឧបករណ៍ Android តែយើងត្រូវចំណាយប្រាក់ដើម្បីទិញវា ។ ដោយឡែកពេលនេះយើងសូមនាំយកនូវវិធីសាស្ត្រមួយដែលអាចជួយសន្សំប្រាក់របស់អ្នកបាន ក្នុងការប្រើ keyboard ដើម្បីវាយបញ្ចូល text ទៅឲ្យឧបករណ៍ Android ។ ជាមួយនឹងកម្មវិធី Android ដែលមានឈ្មោះ Remote Keyboard គឺត្រូវបានដាក់ឲ្យទាញយកដោយឥតគិតថ្លៃ ដើម្បីភ្ជាប់រវាង keyboard របស់កុំព្យូទ័រជំនួសឲ្យការវាយ text ផ្សេងៗនៅក្នុងឧបករណ៍ Android ។

របៀបដំឡើង និងការប្រើប្រាស់៖

ជំហានទី១ ៖

ទាំងឧបករណ៍ Android និង កុំព្យូទ័រត្រូវតែភ្ជាប់ទៅកាន់បណ្ដាញ Wi-Fi តែមួយ
ទាញយកកម្មវិធី Remote Keyboard សម្រាប់ឧបករណ៍ Android ពី Google Store រួចធ្វើការដំឡើង
ធ្វើការ enable និងជ្រើសយក Remote Keyboard ជាវិធីក្នុងការបញ្ចូលនូវភាសាណាមួយ និង keyboard setting នៅពេលមានការចោទសួរពីកម្មវិធី (មើលរូប)
ចុចលើ SELECK KEYBOARD យក ‘Remote Keyboard’
បន្ទាប់ពីការ enable Remote Keyboard ជាវិធីសម្រាប់បញ្ចូលរួមកម្មវិធីនឹងប្រាប់ពី port និង IP របស់ទូរស័ព្ទដែលមុខងារទាំងពីរនេះគឺ ចំបាច់ដើម្បីភ្ជាប់ទៅកាន់កុំព្យូទ័រតាមរយៈ Wi-Fi ដើម្បីផ្ដល់ឲ្យការប្រើនូវ Telnet client នៅលើ PC របស់អ្នក (សូមកុំបារម្ភ !.. តាមដានបន្ត)

ជំហានទី២ ៖

ជាមួយនឹងកម្មវិធី PuTTy គឺជាប្រភេទ open-source និងផ្ដល់ភាពងាយស្រួលក្នុងការបង្កើត Telnet និង SSH ជាមួយនឹងការ click ។ លើសពីនេះយើងមិនចាំបាច់ដំឡើងនោះទេ គ្រាន់តែចុចទៅលើ EXE file នោះកម្មវិធីនឹងដំណើរការ ។

ទាញយក PuTTy សម្រាប់ PC ឬតាមរយៈ (PuTTy.exe)
run EXE file
បន្ទាប់មកវាយបញ្ចូល IP address និង Port ដែលជាព័ត៌មានទទួលបានពី Remote Keyboard (លើ Adnroid)
ជ្រើសយក ‘Telnet’ ដែលនៅពីក្រោម ‘Connection Type:’
ដូចរូបខាងក្រោមនៅពេលបំពេញព័ត៌មានរួចរាល់ហើយ សូមចុចយក button ‘Open’ ដើម្បីដំណើរការ
បន្ទាប់មកអ្នកនឹងទទួលបាននូវ display របស់ Telnet connection ដែលមានលក្ខណៈជា Comand Prompt ផ្ទាំងខ្មៅ
ការភ្ជាប់ទៅកាន់ឧបករណ៍ Android ត្រូវបានសម្រេចតាមរយៈ Wi-Fi
នៅក្នុង windows ដែលមានលោត focus គឺជាកន្លែងដែលអ្នកត្រូវវាយនូវអ្វីដែលអ្នកចង់វាយបញ្ចូលនៅក្នុងឧបករណ៍ Android
ត្រលប់ទៅកាន់ឧបករណ៍ Android រួចបើកដំណើរការនូវកម្មវិធីណាមួយដែលអ្នកចង់វាយអក្សរបញ្ចូល ដោយរក្សា focus លើផ្ទាំងខ្មៅហើយ typing ធម្មតានោះគ្រប់ការវាយអក្សរនឹងត្រូវបញ្ជូនទៅកាន់ឧបករណ៍ Android