តើ WordPress ងាយស្រួលក្នុងការបង្កើតវិបសាយកំរិតណា?

បច្ចុប្បន្ននេះយើងមានវិធីសាស្រ្តច្រើនណាស់ ក្នុងការបង្កើតគេហទំព័រដូចជា៖

ប្រើប្រាស់ភាសា ASP.NET, PHP, Html ដើម្បីបង្កើត
ប្រើប្រាស់កម្មវិធីមួយចំនួនដែលមានលក្ខណៈបង្កើតនិងរចនាគេហទំព័រ ដូចជា Dreamweaver, WYSIWYG Web Builder
ប្រើប្រាស់ Website ដែលមានលក្ខណៈ CMS ស្រាប់នៅលើ Internet ដូចជា Wix, Weebly, Blogspot, WordPress មកបង្កើតគេហទំព័រ
ប្រើប្រាស់ CMS (Content Management System) ដូចជា WordPress, Joomla, Typo 3, Drupal ជាដើម។

សម្រាប់ Web Developer ភាគច្រើនបានជ្រើសរើសប្រើប្រាស់ CMS ដើម្បី បង្កើត និងរចនាគេហទំព័រ ព្រោះវាមានភាពងាយស្រួលក្នុងការគ្រប់គ្រង និងរៀបចំឲ្យអតិថិជនរបស់ពួកគេ។ ប៉ុន្តែក្នុងការ ជ្រើសរើសនោះ តើយើងគួរប្រើ CMS មួយណា?

ពេលនេះ Expert Training Center សូមណែនាំពី WordPress ដែលត្រូវបាន Web Developer ភាគច្រើនបានទទួលស្គាល់ថាមានភាពងាយស្រួលក្នុងការគ្រប់គ្រង និងចំណាយរយៈពេលខ្លីក្នុងការបង្កើត។ ដូច្នេះតើ WordPress អាចជួយយើងបានអ្វីខ្លះ?

WordPress មានអត្ថប្រយោជន៍ជាច្រើនដូចជា:

អាចកែអត្ថបទលើ គេហទំព័រដោយខ្លួនយើងផ្ទាល់

ប្រសិនបើអ្នកធ្លាប់ប្រើ Microsoft Word អ្នកក៏អាចប្រើ WordPress បានយ៉ាងងាយស្រួល ដោយមិនចាំបាច់ត្រូវការជំនាញខាង Web Developer ក្នុងការកែប្រែគេហទំព័ររបស់អ្នកឬ ត្រូវចេះប្រើប្រាស់ HTML, Dreamweaver ឬ Tool ផ្សេងឡើយ។

យើងអាចបង្កើត Website ដោយខ្លួនឯង

ទោះបីជាយើងមិនមែនជា Web Devveloper យើងនូវតែអាចបង្កើត Website ជាមួយការជ្រើសរើស Theme ស្រស់ស្អាតជាច្រើនដែលបានដាក់លក់ ឬ ឲ្យទាញយកដោយមិនគិតប្រាក់ ឬស្វែងរក Web Design ដើម្បីរចនា Template WordPress សម្រាប់យើងប្រើប្រាស់បានយ៉ាងងាយ។

គ្មានការគិតប្រាក់ពី Software

WordPress គឺជាកញ្ចប់ CMS ដែលដាក់ឲ្យទាញយកឥតគិតថ្លៃ នៅក្នុង www.wordpress.org ចំពោះ Plugin របស់ WordPress គឺមានច្រើនសន្ធឹកដែលមួយចំនួនធំគឺប្រើប្រាស់ដោឥតគិតថ្លៃផងដែរ។

One-click Installation

មាន Hosting Provider ជាច្រើនដែលអនុញ្ញាតិឲ្យយើងតំឡើង WordPress ដោយស្វ័យប្រវត្តិនៅក្នុង Cpanel

WordPress មិនត្រឹមតែជា Website blog
ជាការពិត WordPress មិនមែនគ្រាន់តែជា Blog នោះឡើយ យើងក៏អាចបង្កើតគេហទំព័រសម្រាប់ ក្រសួងស្ថាប័ន អង្គការ ក្រុមហ៊ុន ឬអាជីវកម្មផ្សេង និង E-commerce ដោយប្រើ WordPress បានផងដែរ។
យើងអាចផ្លាស់ប្តូរការរចនាគេហទំព័ររបស់យើងបានយ៉ាងឆាប់រហ័ស

ជាមួយនឹង WordPress យើងអាចផ្លាស់ប្តូរ Theme ដោយ មិនចាំបាច់ផ្លាស់ប្តូរព័ត៌មាន ឬ អត្ថបទដែលយើងបានបញ្ចូលក្នុងគេហទំព័ររួច។ មានន័យថាយើងអាចកែប្រែគេហទំព័របានយ៉ាងលឿន និងមានភាពងាយស្រួល។ ហើយបើយើងចេះកូដ CSS ថែមទៀតយើងអាច Apply Style ទៅឲ្យគេហទំព័ររបស់យើងកាន់តែងាយ។

ការប្រើប្រាស់ WordPress យើងអាចធ្វើ SEO បានល្អ

ក្រោយពីយើងកែប្រែ Permalink រួចមក WordPress និងជំនួសពាក្យបច្ចេកទេស ឬពាក្យតំណរភ្ជាប់ Post Page និង Category ដែលគេហៅថា Slug រៀបទៅជា Structure នៃលំដាប់ទំព័រដែលធ្វើឲ្យ SEO ចាប់អត្ថបទយើងបានយ៉ាងស្រួល។

Example: www.mysite.com/?p=32 ទៅជា www.mysite.com/category/it-news/how-we-learn-wp/