របៀបកំចាត់មេរោគដោយមិនចាំបាច់ប្រើ Antivirus

អាឡូវនេះ ទ្រាំមិនបាន ដោយមានអ្នកសួរច្រើនពេក ទាក់ទងនឹងការកំចាត់មេរោគដោយមិនបាច់ប្រើកម្មវិធី Antivirus ក៏ដាច់ចិត្តយកមេរៀនដែលបង្រៀនគេរាល់ចុងសប្តាហ៍ មកដាក់ជាសាធារណះតែម្តងចុះ ដើម្បីសំរួលដល់ការប្រាប់តាមទូរស័ព្ទទៅកាន់សិស្សរាប់សិបនាក់ដែលបាន រៀនហើយ តែមិនសូវយល់ច្បាស់ ។

យើងអាចចាប់មេរោគបានតែមួយចំនួនប៉ុណ្នោះ ចំពោះប្រភេទ Worm, Trojans, Spyware, Malware យើងមិនអាចចាប់វាដោយដៃបានទេ ។
វិធីកំចាត់មេរោគមានបីដំណាក់កាលសំខាន់ៗ :
១-សំលាប់រាល់ដំណើរការរបស់មេរោគ ( Kill all Virus Process):
យើងអាចប្រើកម្មវិធីជំនួយដូចជា : Process XP, Vista Manager, Windows 7 Manager ដែលអាច បញ្ឈប់រាល់ដំណើរការរបស់មេរោគបាន ។ នៅក្នុងវិនដូរក៏មានដែរដូចជា Task Manger, cmd, command.com តែភាគច្រើនមេរោគបានបិទអស់ទៅហើយ ។
២-ស្វែងរក និងលុបមេរោគ ( Delete all virus related file):
បន្ទាប់ពី Kill Process ហើយ យើងត្រូវស្វែងរក មេរោគដោយកំណត់នូវ ទំហំ , Date Modified, រួចលុបចោលទាំងអស់ ។
មុននឹងលុបមេរោគត្រូវកត់ចំណាំឈ្មោះ និងទីតាំងវាផង ។
៣-លុប Key មេរោគពី Windows Registry ( Delete Virus key & Value from Registry):
យើងត្រូវចូលក្នុង Registry បន្ទាប់មកធ្វើការស្វែងរក និងលុប Key & Value របស់មេរោគ ដោយវាយឈ្មោះមេរោគដែលយើងបានស្វែងរកឃើញនៅក្នុងជំហានទីពីរ ម្តងមួយៗ ។
នេះជាជំហានសំខាន់ៗក្នុងការកំចាត់មេរោគ ហើយលើកក្រោយខ្ញុំនឹងបង្ហាញពីការកំចាត់មេរោគនីមួយៗអោយមើល ដោយអនុវត្តតាមវិធីសាស្រ្តទាំងពីខាងលើ ។