ធ្វើដូចម្តេចទើបដឹងថាកុំព្យូទ័រខ្ញុំមានគេ Hack?

ប្រសិនបើកុំព្យូទ័ររបស់លោកអ្នកប្រើប្រាស់ជាលក្ខណៈឯកជន ហើយមិនបានភ្ជាប់ជាមួយនឹងអ៊ីនធើណែត នោះលោកអ្នកមិនចាំបាច់ព្រួយបារម្ភទៅលើការបាត់បងទិន្នន័យដោយពូក Hacker ឡើយ ប៉ុន្តែបើសិនជាលោកអ្នកជាមនុស្សដែលរស់នៅជាមួយនឹងអ៊ីនធើណែត នោះលោកអ្នកគួរតែមានការប្រុងប្រយ័ត្នខ្ពស់ទៅលើការការពារឯកសារ នានាដែលមាននៅលើកុំព្យូទ័រ ព្រោះថាមានពួក Hacker ជាច្រើន ព្យាយាមចូលលុកលុយកុំព្យូទ័ររបស់មនុស្សគ្រប់គ្នាដែលប្រើប្រាស់អ៊ីនធើណែត។ គោលបំណងរបស់ពួក Hacker ភាគច្រើនគួរលួចនូវទិន្នន័យឯកសារសំខានៗមួយចំនួន ដែលឯកសារទាំងនោះអាចជាឯកសារដែលមានប្រយោជន៍ដល់ពួកគេ ប៉ុន្តែក្នុងនោះសូមលោកអ្នក ចង់ចាំផងថានៅពេលដែលកុំព្យូទ័ររបស់អ្នកត្រូវបានពួក Hacker ចូល វាអាចបង្កឲ្យកុំព្យូទ័រអ្នកដើរយឺតជាមុន និងវាធ្វើការកែប្រែទៅលើការ កំណត់ផ្សេងៗមួយចំនួនថែមទៀតដូចជាលេខសម្ងាត់ជាដើម។តើធ្វើដូចម្ដេចទើបដឹងថាកុំព្យូទ័ររបស់យើងត្រូវបានពួក Hacker លុកលុយ? ខាងក្រោមនេះគឺជាសញ្ញានមួយចំនួនដែលអាចឲ្យលោកអ្នក ដឹងថាកុំព្យូទ័ររបស់អ្នកត្រូវបានពួក Hacker ចូលលុកលុយ៖
-ផ្លាស់ប្តូរនូវលេខសម្ងាត់
ពេលដែលលោកអ្នកបើកកុំព្យូទ័រ លោកអ្នកត្រូវវាយលេខសម្ងាត់ ប៉ុន្តែលេខសម្ងាត់ដែលលោកអ្នកបានដាក់នោះបែបជាមិនត្រូវទៅវិញ ដោយកុំព្យូទ័របញ្ជាក់ថាលេខសម្ងាត់មិនត្រឹមត្រូវ ឬម្យ៉ាងទៀតពេលបើកកុំព្យូទ័រមកភ្លាមទាមទារឲ្យវាយលេខសម្ងាត់ ទាំងដែលលោកអ្នកមិនបានកំណត់នូវលេខសម្ងាត់នោះផង។ ករណីបែបនេះ លោកអ្នកអាចបិទ ហើយបើកកុំព្យូទ័រម្តងទៀត បន្ទាប់មក Log in ចូលគណនី Administrator វិញម្តង តែបើសិនជាមិនបានការទេនោះ សូមចូលទៅកាន់ Safe mode ករណីដែលចូលរួច លោកអ្នកត្រូវចូលទៅកាន់ Administrative options ដើម្បីកែប្រែក៏ដូចជាកំណត់នូវលេខសម្ងាត់ថ្មី។
-មានអារម្មណ៌ថាកុំព្យូទ័រដើរយឺតជាមុន
នៅពេលដែលពួក Hacker ចូលកុំព្យូទ័ររបស់លោកអ្នក មិនមែនចូលមកត្រឹមតែលួលទិន្នន័យប៉ុណ្ណោះទេ គេថែមទាំងភ្ជាប់មកជាមួយនូវ មេរោគមួយចំនួនដែលជាហេតុធ្វើឲ្យកុំព្យូទ័រដើរយឺត។
-ពិនិត្យមើលកម្មវិធីបើកគេហទំព័រ
ជឿជាក់ថាលោកអ្នកអាចនឹងចាំបានថា ក្រោយពីលោកអ្នកបិទកម្មវិធីបើកគេហទំព័រ លោកអ្នកបានបើកគេហទំព័រណាខ្លះ ហើយលោកអ្នកបានធ្វើអ្វីខ្លះនៅលើកម្មវិធីបើកគេហទំព័រ។ ប្រសិនបើនៅពេលដែលបើកកម្មវិធីបើកគេហទំព័រមកភ្លាមស្រាប់តែនៅលើ Tool bar មានអ្វីថ្មី ហើយស្រាប់តែមានគេហទំព័រផ្សេងៗជាច្រើនត្រូវបានបើក ដោយគេហទំព័រទាំងនោះអាចជាគេហទំព័រផ្សព្វផ្សាយពាណិជ្ជកម្ម ឬជាគេហទំព័រអាសអាភាស៕