តើចង់ឲ្យ Android ដំណើរការលើកុំព្យូទ័ររបស់អ្នកដែរ ឬទេ ?

តើលោកអ្នកចង់ឲ្យ Android មានវត្តមាននៅលើកុំព្យូទ័ររបស់អ្នកដែរ ឬទេ ? ទោះបីជា Android ត្រូវបានបង្កើតឡើងសម្រាប់ដំណើរការតែនៅលើ Smartphone ឬក៏ Tablet យ៉ាងណាក៏ដោយ យើងនៅតែមានវិធីសាស្រ្ត ដើម្បីឲ្យ Android ដំណើរការលើម៉ាស៊ីនកុំព្យូទ័របានតាមរយៈ ដំណើរការនៅលើ Virtual Machine ។
ជាការពិតណាស់ Android អាចដំណើរការនៅលើ Virtual Machine ដូចទៅនឹង Operating System ផ្សេងៗទៀតដែរ ដែលអាចឲ្យយើងរីករាយនឹងការប្រើប្រាស់ជាមួយនឹង Android Applications បូករួមទាំង Interface យ៉ាងស្រស់ស្អាតនិងគួរឲ្យទាក់ទាញ ។

តើត្រូវធ្វើដូចម្តេច ដើម្បីដំណើរការ Android នៅលើ Virtual Machine ? ពីវិធីសាស្រ្តក្នុងការដំឡើង Android នៅលើកម្មវិធី
VirtualBox របស់ក្រុមហ៊ុន Oracle ដែលជាកម្មវិធីដំណើរការ OS ផ្សេងៗជាលក្ខណៈ Virtual Machine ។
តើអ្នកត្រូវការអ្វីខ្លះសម្រាប់ការដំឡើងនេះ ?
មុនពេលដែលយើងចាប់ផ្តើមធ្វើការដំឡើង យើងត្រូវមានកម្មវិធី VirtualBoxនិង Android-x86 ISO ជាមុនសិន ។

· ប្រសិនបើលោកអ្នកមិនទាន់មានកម្មវិធី VirtualBox នៅលើកុំព្យូទ័ររបស់អ្នកទេ លោកអ្នកអាចធ្វើការ download ដើម្បីយកមកដំឡើងបានតាមរយៈគេហទំព័រដូចខាងក្រោម៖

https://www.virtualbox.org/wiki/Downloads

យើងអាច download យក Android-x86 ISO ពីគេហទំព័រដូចខាងក្រោម៖
https://code.google.com/p/android-x86/downloads/list

បង្កើត Virtual Machine សម្រាប់ Android
យើងអាចដំណើរការកម្មវិធី Virtual Box និងបង្កើត Virtual Machine ថ្មីមួយសម្រាប់ Android ដោយចុចទៅលើប៊ូតុង New នោះ វានឹងបង្ហាញផ្ទាំងថ្មីមួយ ដើម្បីបង្កើតដោយគ្រាន់តែធ្វើទៅតាមជំហ៊ានបន្តបន្ទាប់របស់វា ហើយយើងអាចកំណត់ hardware requirement ផ្សេងៗទៅតាម OS ដូចខាងក្រោម ៖

· Operating System: Linux – Linux 2.6

· Memory Size: 512 MB

· Hard Drive Size: 3GB or More

បន្ទាប់មកសូមចាប់ផ្តើមដំណើរការ Virtual Machine ដែលយើងបានបង្កើតមុននេះ ហើយ Browse ទៅរក Android-x86 ISO ដែលយើងបាន download ហើយ ។

សូមជ្រើសរើសយក Installation option រួចចុច Enter ដើម្បីចាប់ផ្តើមដំឡើង

យើងចាំបាច់ត្រូវបង្កើត Partition សម្រាប់ប្រព័ន្ធ Android ដោយជ្រើសរើសយក Create/Modify partitionsoption រួចចុច Enter

ជំហ៊ានបន្ទាប់សូមជ្រើសរើសយក New option ដោយប្រើប្រាស់ arrow keys រួចចុច Enter ដើម្បីបង្កើត Partition ថ្មីនៅក្នុង Free Space

បន្ទាប់មកទៀត សូមជ្រើសរើសយក Primary option រួចចុច Enter ហើយសូមចុច Enter ម្តងទៀត ដើម្បីបង្រួមទំហំទាំងមូលនៃ Virtual Disk ដែលយើងបានបង្កើត ។

នៅពេលចំណុច Highlight ស្ថិតនៅលើ Bootable option សូមចុច Enter ដើម្បីឲ្យ Partition អាចដំណើរការ Boot បាន ។ បន្ទាប់មកជ្រើសយក Write option រួចចុច Enter ដើម្បីដំណើរការ write ទៅកាន់ Virtual Disk ពេលនោះយើងនឹងតម្រូវឲ្យវាយពាក្យ “yes” ហើយចុច Enter ម្តងទៀត ដើម្បីចាប់ផ្តើមដំណើរការ write ។

ចុងក្រោយចូលទៅកាន់ Quit option ដើម្បីត្រឡប់ទៅកាន់ផ្ទាំងជ្រើសរើស Partition វិញ ។
ក្រឡេកមកមើលផ្ទាំងជ្រើសរើស Partition យើងនឹងឃើញនូវ Partition ដែលយើងបានបង្កើតនៅផ្នែកខាងលើគេ ដោយគ្រាន់តែជ្រើសយក Partition នោះរួចចុច Enter ដើម្បីដំឡើង Android ទៅកាន់វា ។

សូមជ្រើសរើសយក ext3 file system រួចជ្រើសរើស Yes ដើម្បី format partition

សម្រាប់ផ្ទាំងខាងក្រោមនេះសូមជ្រើសរើសយក Yes ដើម្បីដំឡើង GRUB bootloader ហើយជ្រើសរើស Yes ម្តងទៀត ដើម្បីដំឡើង /system directory ជាលក្ខណៈ read-write

នៅពេលដំណើរការនៃការដំឡើងត្រូវបានបញ្ចប់ហើយនោះ យើងអាចធ្វើការ remove ISO file របស់ Android រួចហើយចាប់ផ្តើម reboot virtual machine ឡើងវិញ ។

ពេលនេះយើងនឹងឃើញថា Android កំពុងតែដំណើរការនៅលើ virtual machine នៅក្នុងកុំព្យូទ័ររបស់យើង ។ ដូចគ្នាទៅនឹងដំណើរការនៅលើ Smartphone និង Tablet យ៉ាងដូច្នោះដែរគឺតម្រូវឲ្យយើងដំណើរការ Setup ដូចជា ការប្រើប្រាស់ Google Account, Wi-Fi Setup ដែលយើងអាចរំលងនូវ ចំណុចទាំងអស់នេះបាន ។ ម្យ៉ាងវិញទៀត Android នឹងទាញយកការប្រើប្រាស់ Network និង Internet Connection ផ្សេងៗតាមរយៈ virtual machine ។

ប្រសិនបើ mouse cursor មិនអាចធ្វើការបាននៅលើ virtual machine យើងអាចចុចទៅលើ Machine menu រួចហើយចុចលើ Disable Mouse Integration នោះយើងនឹងអាច ប្រើប្រាស់ mouse cursor នៅលើ virtual machine បាន ។ ផ្ទុយទៅវិញយើងអាចចាកចេញពីការប្រើប្រាស់ mouse cursor នៅលើ virtual machine តាមរយៈការប្រើប្រាស់ keyboard ដោយចុចលើប៊ូតុង Ctrl ផ្នែកខាងស្ដាំនៃ keyboard ។

បន្ទាប់ពីធ្វើការកំណត់ setting ផ្សេងៗហើយនោះ យើងអាចចូលទៅកាន់
Android ដែលដំណើរការនៅលើ virtual machine
ព្រមទាំងអាចប្រើប្រាស់បានជាមួយ Google Applications ជាច្រើនដូចជា
Gmail, Maps, និង Play Store សម្រាប់download apps
ផ្សេងៗទៀតយកមកប្រើប្រាស់