ប្រើ Gadget Feed ដើម្បីបន្តផ្ទាល់ចំណងជើងអត្ថបទពីគេហទំព័រ/ប្លកនានា

Web Feed គឺជាបច្ចេកទេសទាញយកអត្ថបទឬចំណងជើងមកបង្ហាញជាសង្ខេបងាយស្រួល តាមដានដោយប្រើកម្មវិធី Browser។ លោកអ្នកមិនចាំបាច់ចូលមើលគេហទំព័រ/ប្លកនានាក៏អាចដឹងថាមាន អត្ថបទថ្មីៗដែរ ដោយគ្រាន់តែលោកអ្នកជាវប្រចាំ (subscribe) Feed ពីគេហទំព័រ/ប្លកទាំងនោះ តាមរយៈ Browser ។ ខ្ញុំសូមលើកយកពីវិធីដាក់ Feed ពីគេហទំព័រ/ប្លកនានា យកមកដាក់ក្នុងប្លកលោកអ្នក ដើម្បីទទួលព័ត៌មានដែលអ្នកគិតថាងាយស្រួលមិនចាំបាច់ទៅចូលមើលពី ប្រភពដើមនោះទេ សូមមើលការដាក់ Gadget Feed ដែលមានស្រាប់ក្នុង Blogger៖

របៀបរក Feed ពីគេហទំព័រ/ប្លកនានា

មានគេហទំព័រ/ប្លកមួយចំនួន បិទមិនដំណើរការមុខងារ Feed ខ្ញុំក៏មិនដឹងជាមូលហេតុស្អីដែរ? បានជាខ្ជឹប Feed បាត់អញ្ជឹង ដូចជា CAMNEWS និង SOVANN 2 ជាដើម។ បើក្នុងករណីគេខ្ជឹប Feed បែបហ្នឹងគឺមិនអាចអនុវត្តបានទេ។ ដូចនេះមុននឹងប្រើ Gadget Feed ត្រូវប្រាកដថា គេហទំព័រ/ប្លកទាំងនោះបើកមុខងារ Feed ដែរឬទេ។
*****ឧទាហរណ៍ : ខ្ញុំចង់ដាក់ Feed របស់គេហទំព័រ ITKhmer.net
- បើក Firefox ចូលទៅគេហទំព័រ ITKhmer.net
- ចុចប៊ូតុង Firefox >> ចំណាំ >> ជាវទៅទំព័រនេះ... (((ឬក៏លើប៊ូតុងចំណាំ ដែលនៅលើរបាឧបករណ៍ចំណាំ >> ជាវទៅទំព័រនេះ...))) សូមមើលរូបខាងក្រោម

- ចម្លងអាសយដ្ឋានគេហទំព័រនោះដែលជាប្រភេទ Feed ទុកសិន (សូមមើលរូបខាងក្រោម)

ចំណាំ ៖ មានគេហទំព័រ/ប្លកខ្លះមានទាំង Feed របស់មតិថែមទៀតផង។ អាសយដ្ឋាន Feed និងអាសយដ្ឋានគេហទំព័រគឺខុសគ្នា។ ហើយ Feed មានទំរង់ខុសគ្នា តែមាននាទីប្រហាក់ប្រហែលគ្នា។

របៀបដាក់ Gadget Feed ដែលមានស្រាប់របស់ Blogger

- Log ចូលគណនី Blogspot របស់អ្នក
- ចូលទៅ Layout >> Add a Gadget នៅទីតាំងណាមួយ (ខ្ញុំដាក់នៅក្រោមគេបង្អស់)

- ស្វែងរកមើល Gadget ដែរមានឈ្មោះ Feed (មើលរូបខាងក្រោមនេះ)

-បិទភ្ជាប់តំណរបស់ Feed ដែលអ្នកចម្លងទុកខាងលើ ដាក់ចូលប្រឡោះ Feed URL រួចចុចប៊ូតុង Continue (មើលរូបខាងក្រោមនេះ)

- បើសិនជា Feed នោះអត់មានបញ្ហាអី វានឹងបង្ហាញផ្ទាំងអោយអ្នកកំណត់ផ្សេងៗបន្តទៀត។

- Title : ចំណងជើង Feed (ជាធម្មតាមានដោយស្វ័យប្រវត្តិ តែក៏អាចកែប្រែបានដែរ)
- Show : កំណត់ចំនួនអោយបង្ហាញចំណងជើងអត្ថបទ ចាប់ពី 1 ដល់ 5។
- Item dates : បង្ហាញថ្ងៃខែនៃចំណងជើងអត្ថបទនីមួយៗ។
- Item Sources/authurs : បង្ហាញឈ្មោះអ្នកនិពន្ធនៅខាងចុងចំណងជើងអត្ថបទនីមួយៗ។
- Open link in new windows : កំណត់ឲ្យបើកក្នុងផ្ទាំងថ្មី (តាប) នៃ Browser។
- Change Feed URL : អ្នកអាចដូរ Feed របស់គេហទំព័រ/ប្លកផ្សេងបានដោយមិនចាំបាច់លុប Gadget នោះទេ ដោយគ្រាន់តែដូរ Feed URL ទៅគឺបានហើយ។
- ចុចប៊ូតុង Save ជាកិច្ចបង្ហើយ។

ចំពោះខ្ញុំដាក់បង្ហាញ Feed គឺជារឿងមួយល្អណាស់ ដើម្បីអោយអ្នកដែលបានចូលមើលប្លករបស់ខ្ញុំ អាចចូលទៅមើលអ្វីផ្សេងៗបន្តទៀតបាន បើទោះបីជាប្លកខ្ញុំមិនមានអត្ថបទដែលអ្នកអានគេចង់បានក៏ដោយ៕