វិធីដំឡើង Mac OS X នៅលើម៉ាស៊ីនកុំព្យូទ័រធម្មតា

លោកអ្នកធ្លាប់បានដឹងហើយថា ប្រព័ន្ធប្រតិបត្តិការ Mac OS X គឺជាប្រព័ន្ធប្រតិបត្តិការដែលមានភាពពេញនិយមជាខ្លាំង របស់ក្រុមហ៊ុន Apple ។ ហើយជាធម្មតាប្រសិនបើយើងចង់ប្រើ Mac លុះត្រាតែយើងត្រូវទិញផលិតផលរបស់ Apple ទាំងអស់តែម្ដង។ ប៉ុន្តែផ្ទុយទៅវិញ នៅក្នុងគន្លឹះនេះ KH4IT នឹងលើកយកវិធីដំឡើង Mac OS X មក ដំឡើងជាមួយម៉ាស៊ីនកុំព្យូទ័រធម្មតារបស់យើង។ នៅក្នុងនោះដែរ ខ្ញុំបានសាកល្បងការដំឡើងនេះជាមួយម៉ាស៊ីនលើតុរបស់ខ្ញុំ ម៉ាក Samsung ដែលមាន CPU : 2.53 GHz Intel Core 2 Duo មាន Ram : 3GB និងទំហំ Hard disk 250 GB ។ ខ្ញុំបានសាកល្បងចំនួន ២ថ្ងៃ ដែលផ្ដុំដោយវិធីសាស្ត្រខ្លួនឯង និងការស្រាវជ្រាវលើ Internet ឃើញ ថាខ្ញុំអាចយល់អំពីវិធីដំណើរការរបស់វា និងអាចប្រើវិធីសាស្ត្រនេះដំឡើងលើម៉ាស៊ីនកុំព្យូទ័រផ្សេងបាន ដូចនេះខ្ញុំក៏បានសរសេរជាអត្ថបទដើម្បីចែករំលែកដល់មិត្តអ្នកអាន ទាំងអស់គ្នា។ ដូចនេះប្រសិនបើអ្នកចង់សាកល្បងដំឡើងវាលើ កុំព្យូទ័រផ្ទាល់របស់អ្នក នោះលោកអ្នកអាចសាកល្បងដំឡើងជាមួយយើងដូចខាងក្រោម៖

តម្រូវការសម្រាប់ដំឡើង៖

ប្រភេទកុំព្យូទ័រដែលអាចដំឡើងបានគឺមានលក្ខណៈដូចជា

CPU : Intel Core 2 Duo, Core i3, Core i5, Core i7 …
Ram: 2 GB ឡើង
Hard Disk ត្រូវការសម្រាប់ដំឡើងយ៉ាងតិច 8 GB

ការកំណត់មុនដំឡើង

១. ដំបូងលោកអ្នកត្រូវ Write DVD ជាមួយ ប្រព័ន្ធប្រតិបត្តិការ Mac OS X ។ លោកអ្នកអាចស្វែងរក file ISO របស់វាបាន ដោយចូលទៅក្នុងគេហទំព័រ www.kat.ph រួចធ្វើការស្វែងរក និងទាញយកជាការស្រេច។

២. បន្ទាប់មកលោកអ្នកត្រូវកំណត់ BIOS របស់កុំព្យូទ័រ ដោយកំណត់ឱ្យវា Boot ចេញ CD/DVD មុន។ ហើយត្រូវកំណត់ SATA Control Mode ទៅ ជា ACHI ។

៣. លោកអ្នកអាចធ្វើការ Backup ទិន្នន័យ សំខាន់ៗចេញពីកុំព្យូទ័រ ជៀសវាងអាចបាត់បង់។

៤. Driver មួយចំនួនអាចនឹងមិនស្គាល់ឡើយ ក្រោយពេលដំឡើង។

ការដំឡើង Mac OS X ចូលទៅក្នុង PC

១. ដំបូងលោកអ្នកត្រូវបញ្ចូល DVD Mac OS នេះចូលទៅក្នុងកុំព្យូទ័រ របស់អ្នករួចត្រូវកំណត់ឱ្យកុំព្យូទ័រ Boot ចេញពី DVD របស់អ្នក។

២. បន្ទាប់មកវានឹងលោតចេញ Command ចេញមក អ្នកត្រូវរង់ចាំវា ប្រហែល ៨ ទៅ ៩ វិនាទី រួចបន្ទាប់មក វានឹងលោតចូលផ្ទាំងដំឡើងរបស់ Mac OS ។ នៅក្នុងផ្ទាំងនេះ វានឹងបង្ហាញផ្ទាំងដំណើរការដំឡើង ដូចនេះលោកអ្នកអាចរង់ចាំវាដំណើរការចប់ ដើម្បីអនុវត្តជំហានបន្ទាប់។

ម្យ៉ាងវិញទៀតប្រសិនបើវិធីសាស្ត្រខាងលើមិនដំណើរការ លោកអ្នកអាចប្រើកម្មវិធី iBoot ដោយ Burn វាដាក់ចូល CD រួចកំណត់វាឱ្យ Boot ចេញមក បន្ទាប់មកទៀតទើបដាក់ឌីស Mac OS ចូលរួចចុច F5 នៅពេលនោះអ្នកនឹងឃើញមានអាយខុន Mac OS ចេញមក អ្នកអាចចុច Enter ដើម្បីដំណើរការ។

៣. នៅ ក្នុងជំហាននេះវា នឹងបង្ហាញផ្ទាំងមួយដើម្បីឱ្យលោកអ្នកជ្រើសរើសភាសាដើម្បីដំឡើង។ លោកអ្នកអាចជ្រើសរើសភាសាដែលអ្នកពេញចិត្ត រួចចុចសញ្ញាព្រួញបន្ទាប់។

៤. បន្ទាប់មក វានឹងចេញផ្ទាំង Install Mac OS X នៅលើ Screen កុំព្យូទ័រ អ្នកត្រូវចុចលើ Continue ដើម្បីបន្តដំឡើង។

៥. ក្រោយមក អ្នកត្រូវចែក Partition ឱ្យបានត្រឹមត្រូវដើម្បីរៀបចំដំឡើង។ ដូចនេះលោកអ្នកត្រូវចុចទៅលើ Utilities បន្ទាប់មកចុចលើ Disk Utility… ។

៦. រួចបន្ទាប់មក លោកអ្នកត្រូវចុចជ្រើសរើសយក Drive ដែលអ្នកចង់ដំឡើង។ ហើយត្រូវចុចលើពាក្យ Erase ហើយត្រូវកំណត់ Format របស់វាជា Mac OS Extended (Journaled) រួចចុចលើ Erase ។ នៅពេលនោះវានឹងចាប់ផ្ដើមលុបទិន្នន័យចេញពី Drive របស់អ្នកជាមិនខាន។ នៅពេលចប់អ្នកត្រូវចុចបិទផ្ទាំងនេះ ហើយចុចលើ Continue បន្ទាប់មកចុចលើ I Agree ដើម្បីយល់ព្រមប្រើប្រាស់លក្ខខណ្ឌនិងអាជ្ញាប័ណ្ណរបស់វា។

៧. ក្រោយពីនោះមក លោកអ្នកចាំបាច់ត្រូវចុចលើ Drive ដែលចង់ដំឡើង ។ ពេលនោះវានឹងចេញរូបសញ្ញាព្រួញពណ៌បៃតង ហើយលោកអ្នកត្រូវចុចលើ Install ដើម្បីដំឡើង។

៨. បន្ទាប់មកទៀត វានឹងចេញផ្ទាំងមួយ ដែលបង្ហាញពីដំណើរការដំឡើង។ សូមរង់ចាំរហូត វាដំណើរការចប់។

៩. នៅពេលដំឡើងចប់ វានឹងបង្ហាញផ្ទាំងមួយទៀតចេញមក គឺផ្ទាំង Transfer Information to This Mac ។ អ្នកអាចជ្រើសរើសយកជម្រើសណា ដែលអ្នកពេញចិត្តក្រោយមក សូមចុចលើ Continue ។

១០. បន្ទាប់មកអ្នកត្រូវជ្រើសរើសភាសាសម្រាប់ដំឡើង និងភាសានៅពេលដំណើរការ OS ក្រោយពីជ្រើសរើសរួចសូមចុចលើ Continue ។

១១. ក្រោយមកជ្រើសរើសយកប្រភេទ Keyboard ដែលអ្នកចង់បាន រួចចុច Continue ។

១២. អ្នកត្រូវវាយបញ្ចូល Apple ID របស់អ្នក ចូលទៅក្នុងប្រអប់ Apple ID និង Password ។ ប្រសិនបើអ្នកមិនមានទេ អ្នកអាចចុច Continue ដើម្បីរំលងជំហាននេះ។

១៣. បន្ទាប់មកទៀត លោកអ្នកត្រូវវាយបញ្ចូលព័ត៌មានផ្ទាល់ខ្លួនរបស់អ្នកចូល ដែលមានដូចជា ឈ្មោះ ត្រកូល អាសយដ្ឋាន Email Address ជាដើម។ បន្ទាប់មកសូមចុច Continue ដើម្បីបញ្ចប់ការបំពេញព័ត៌មានលម្អិត។

១៤. នៅក្នុងផ្ទាំង Create Your Computer Account លោកអ្នកអាចបញ្ចូលឈ្មោះកុំព្យូទ័រ និងលេខសម្ងាត់ ដើម្បីការពារសុវត្ថិភាពកុំព្យូទ័រ។ រួចចុចលើ Continue ដើម្បីបញ្ជាក់ការកំណត់នេះ។

១៥. សូមជ្រើសរើសយក Time Zone ដែលអ្នករស់នៅ ។ ឧទាហរណ៍ Time Zone : Indochina Time Closest City : Phnom Penh – Cambodia ជាដើម។

១៦. ក្រោយពេលដែលអ្នកបានជ្រើសរើស Time Zone រួច នោះលោកអ្នកនឹងឃើញផ្ទាំងមួយលោតចេញមកបន្ទាប់គឺ Don't Forget to Register ។ សូមចុចលើ Start Using Lion ដើម្បីរំលងជំហាននេះ។

១៧. នៅពេលនេះលោកអ្នកប្រាកដជាអាចប្រើប្រាស់ Mac OS X បានហើយ។ សូមវាយបញ្ចូលលេខសម្ងាត់ របស់អ្នកចូលរួចចុច Enter ។

១៨. នៅទីបញ្ចប់ មិត្តអ្នកអានទាំងអស់គ្នា ប្រាកដជាអាចប្រើប្រាស់ប្រព័ន្ធប្រតិបត្តិការ Mac OS X នេះ បានយ៉ាងងាយស្រួលបំផុត។ អ្នកអាចប្រើប្រាស់វា តាមអ្វីដែលអ្នកចង់បាន រួចរាល់ហើយ។

ការកំណត់ Boot ជាមួយកម្មវិធី MultiBeast

ក្រោយពេលអ្នកបានដំឡើង Mac OS X លើ PC បានហើយ សូមអ្នកកុំភ្លេចថា OS នេះនឹងមិនអាច Boot បានដោយផ្ទាល់នៅពេល Start Up កុំព្យូទ័របាននោះឡើយ។ លុះត្រាតែអ្នកប្រើកម្មវិធីជំនួយគឺកម្មវិធី MultiBeast ដើម្បីបង្ហាញ Drive សម្រាប់ Boot ចូលទៅក្នុង Mac OS X ក្នុងកុំព្យូទ័ររបស់អ្នក។ សូមធ្វើការទាញយកតាមតំណភ្ជាប់នេះ https://dl.dropbox.com/u/85893184/Soft/Multibeast %203.8.0.rar ។