អ្នកតែងតែមួរម៉ៅនៅពេលកំពុងតែប្រើ Laptop ស្រាប់តែអស់ថ្ម។ខាងក្រោមនេះជាគន្លឺះតូចៗទាំងប្រាំដែលអាចជួយអ្នកសន្សំសំចៃថ្មរបស់ Laptop បានយ៉ាងមានប្រសិទ្ធភាព។
១.ដោតដុយសាកគ្រប់ពេលដែលអ្នកអាច
អ្នកត្រូវអោយជាក់លាក់ថា Laptop របស់អ្នកជាទូទៅដោតដុយសាកគ្រប់ពេលដែលអ្នកប្រើ។អ្នកគួរតែទិញថែមថ្មមួយសំរាបទៀតសំរាប់ស្គួរទុកគឺមួយសំរាបទុកនៅកន្លែងធ្វើការនិងមួយសំរាបដាក់តាមកាបូបផ្ទុក Laptop ។បើអ្នកធ្វើការជាប្រចាំនៅឯផ្ទះទៀតអ្នកគួរតែទិញថែមមួយសំរាបទៀត។
២.កែសំរួលកំរិតពន្លឺរបស់អេក្រង់
អេក្រង់របស់ Laptop គឺជាប្រភពដែលប្រើថាមពលថ្មច្រើនជាងគេ ដូច្នេះការរក្សាកំរិតពន្លឺរបស់អេក្រង់អោយនៅកំរិតអប្បរមាព្រោះវាអាចអូសបន្លាយពេលវេលាប្រើថ្មគួរអោយកត់សំគាល់។អេក្រង់ដែលមានពន្លឺតិចវាធ្វើអោយយើងមានអារម្មណ៏ងាយស្រួលជាងដែលសមស្របជាមួយមជ្ឈដ្ឋានខាងក្រៅដែលមានពន្លឺសមស្រប។អ្នកអាចបង្កើតពេលវេលាដើម្បីអោយម៉ាស៊ីនប្តូរពន្លឺអេក្រង់ពីកំរិតភ្លឺមកកំរិតស្រទុំក្នុងរយៈពេលមួយទៅបីនាទីដែលអត់ប្រើប្រាស់។
៣.តាមដានរាល់កម្មវិធីប្រើប្រាស់ដែលមិនចាំបាច់
កម្មវិធីដែលមិនចាំបាច់មួយចំនួនដែលដំណើរការពេលម៉ាស៊ីនចាប់ដំណើរការវាក៏ជាបញ្ហាមួយដែរ។រាល់ម៉ាស៊ីនទំនើបបច្ចុប្បន្នជាទូទៅសុទ្ធតែមានមុខងារសន្សំថ្មតែមុខងារនេះអាចប្រព្រឹត្តទៅបានលុះត្រាណាបើកកម្មវិធីប្រើប្រាស់តិច។
៤.បិទកម្មវិធីប្រើប្រាស់ដែលភ្ជាប់ជាមួយអេក្រង់
ក្រៅពីកម្មវិធីប្រើប្រាស់មួយចំនួនដែលមិនចាំបាច់ ក្នុងនោះក៏មានកម្មវិធីដែលជាប់ជាមួយនិង Desktop ក៏វាធ្វើអោយចំណាយថាមពលថ្មច្រើនដែរដូចជា Windows update, កម្មវិធី update software ផ្សេងៗអ្នកគួរតែបិទវាទៅនៅពេលដែល Laptop របស់អ្នកអត់ដោតដុយសាក។
៥.បិទឧបករណ៏ដែលមិនចំាបាច់
អ្នកអាចបិទឧបករណ៏ផ្នែករឹងឬក៏ port ហើយនិងឧបករណ៏អត់ខ្សែមួយចំនួនដែលមិនចំាបាច់ពីព្រោះវាក៏ជាប្រភពដែលស៊ីថាមពលរបស់ថ្មដែរ។
ប្រាំរបៀបដើម្បីសន្សំសំចៃថ្មរបស់ Laptop យ៉ាងមានប្រសិទ្ធភាព
Share this post
0 comments