វិធីប្រើទូរស័ព្ទធ្វើជា Mouse និង Keyboard សម្រាប់បញ្ជាលើកុំព្យូទ័រ

នៅក្នុងគន្លឹះនេះ KH4IT នឹងលើកយកវិធីសាស្ត្រមួយដើម្បីអាចប្រើប្រាស់ទូរស័ព្ទដែលដំណើរការដោយ Android មកបញ្ជាជាMouse និង Keyboard សម្រាប់កុំព្យូទ័រ។ វាពិតជាមានភាពងាយស្រួលយ៉ាងខ្លាំងនៅក្នុងការបញ្ជាទៅកាន់កុំព្យូទ័រតាមរយៈប្រព័ន្ធBluetooth ឬ Wireless ។ ដើម្បីអាចអនុវត្តគន្លឹះនេះបានលោកអ្នកត្រូវដំឡើងកម្មវិធី Monect Portable ដាក់នៅលើទូរស័ព្ទនិងកុំព្យូទ័ររបស់អ្នកជាមុនសិន។ សូមធ្វើតាមជំហានដូចខាងក្រោម៖

១. ដំបូងលោកអ្នកត្រូវទាញយកនិងដំឡើងកម្មវិធី Monect Portable ដាក់ចូលក្នុងទូរស័ព្ទរបស់អ្នកជាមុនសិន តាមរយៈលីងនេះhttp://bit.ly/17PNOop ។

២. បន្ទាប់មកលោកអ្នកត្រូវទាញយកនិងដំឡើងកម្មវិធី Monect នេះសម្រាប់ដំឡើងលើម៉ាស៊ីនកុំព្យូទ័ររបស់អ្នកតាមរយៈលីងនេះhttp://bit.ly/18xA7vD ។ ប្រសិនបើអ្នកប្រើ Browser Chrome ហើយចេញផ្ទាំងដូចខាងក្រោមសូមចុចលើ Keep ដើម្បីរក្សាទុកFile នេះ។ បន្ទាប់មកសូមចុច Extract វារួចចាប់ផ្ដើមបើកកម្មវិធីនេះ។

៣. ប្រសិនបើ Windows Firewall ទាមទារការអនុញ្ញាត សូមចុចលើ Allow Access ។

៤. ក្រោយមកលោកអ្នកនឹងឃើញផ្ទាំងមួយចេញមកដូចខាងក្រោម។ សូមចម្លងលេខ IP នេះទុកសម្រាប់វាយបញ្ចូលទៅក្នុងទូរស័ព្ទអ្នក។

ចំណាំ៖ ប្រសិនបើអ្នកចង់ភ្ជាប់កម្មវិធីនេះ ជាមួយទូរស័ព្ទដោយប្រើប្រព័ន្ធ Bluetooth ឬ ខ្សែ USB សូមចុចលើ Install Monect Portable via USB ឬ Install Monect via Wifi ឬ Bluetooth ។

៥. សម្រាប់នៅលើផ្ទាំងទូរស័ព្ទ សូមលោកអ្នកចុចទៅលើកម្មវិធី Monect Portable ដែលបានដំឡើង នោះលោកអ្នកនឹងឃើញផ្ទាំងមួយចេញមកដូចខាងក្រោម។ សូមវាយបញ្ចូលលេខ IP ដែលអ្នកបានចម្លងចេញពីកុំព្យូទ័រមកដាក់នៅក្នុងប្រអប់ Host IP Address ។

៦. ក្រោយពីបានភ្ជាប់ជាមួយទូរស័ព្ទរួច នោះផ្ទាំងនៅលើកុំព្យូទ័ររបស់អ្នកនឹងបង្ហាញចេញដូចខាងក្រោម គឺវានឹងបង្ហាញ Host Status និង Portable Status ។

៧. ចំណែកឯទូរសព្ទ័វិញក្រោយពីបានភ្ជាប់រួច វានឹងបង្ហាញផ្ទាំងដូចរូប ។ មានន័យថានៅក្នុងអាយខុនទាំងប៉ុន្មានគឺ អ្នកអាចបញ្ជាទៅកាន់កុំព្យូទ័រយ៉ាងងាយស្រួលជាមួយ Tool និមួយៗរបស់វា។

៨. Touchpad គឺមានតួនាទី ដូច Mouse របស់អ្នកចឹង វាមាន Left Click និង Right Click ហើយមាន Scroll Up , Scroll down ដូចគ្នា លោកអ្នកអាចបញ្ជាវាជា Mouse បានយ៉ាងងាយ។