ប្លក់អាចនិយាយបានថាជាវ៉ិបសាយផ្ទាល់ខ្លួន ដែលប្រើសម្រាប់កត់ត្រានូវដំណើរជីវិតរបស់អ្នក ឬអាចជាកំណត់ហេតុប្រចាំថ្ងៃក៏បាន។ប្លក់អាចជាទីកន្លែងផ្សព្វផ្សាយផលិតផល (បែបឯកជន) សម្រាប់ លោកអ្នក ដែលមានអាជីវកម្មខ្នាតតូចជាដើម។ មួយវិញទៀត លោកអ្នកក៏អាចចែករំលែក ចំណេះដឹង ឬបង្កើនការចងចាំរបស់អ្នក ដោយការបង្កើត និងសរសេរប្លក់នេះផងដែរ។ល។ ចំពោះការបង្កើតនេះ លោកអ្នក ពុំចាំបាច់មានជំនាញខាងវ៉ិបសាយ ឬជំនាញខាងសរសេរអត្ថបទនោះទេ។
១. តើគួរជ្រើសយកកម្មវិធីមួយណាដើម្បីតំលើង web site?
CMS រាប់សិបដែលយើងមិនអាចចាំអស់ ហើយរឹតតែមិនមានពេលសាកល្បងម្ដងមួយៗឱយបានចប់ក្នុងពេលឆាប់រហ័ស បានដែរ។ ជួនកាល មានសេវាកម្មមិនគិតថ្លៃដែលអនុញ្ញាតិឱយយើងបង្កើត web site ដោយមិនគិតថ្លៃ អាចផ្ទុកឯកសារបានដោយគ្មានកំនត់ ឯ server ទៀតសោត គេជាអ្នកគ្រប់គ្រងជំនួស គេចាត់ចែងកម្មវិធីឱយយើងប្រើបានដោយងាយស្រួល។
មានអ្នកសាច់ កម្មជាច្រើន ជាពិសេសអ្នកចង់សាកល្បងចង់ចេះវិជ្ជារយជំពូក ឬ អ្នកសិក្សាផ្នែកកុំព្យូទ័រ មិនអាចអត់ទ្រាំស្រាវជ្រាវកម្មវិធី របស់គេនិងយកមកតំលើងខ្លួនឯងឱយខាងតែបាន។ ចំនែក ក្រុមហ៊ុនធំៗ សេវាកម្មធំៗ ដែលមានសមាជិកដល់រាប់ពាន់ រាប់លាន តំរូវឱយសរសេរកម្មវិធីដោយខ្លួនឯងតែម្ដង។ អ្នកសិក្សាភាគច្រើនក៏អាចប្រើប្រាស់ Framework មួយចំនួនផងដែរ ដើម្បី បង្កើត web site ដែលមានដំនើរការ តាមដែលខ្លួនចូលចិត្ត។ ផ្ទុយទៅវិញ បើមើលពីសំបកក្រៅ Web site គ្មានអ្វីក្រៅពី អត្ថបទ, រូបភាព, វីដេអូ, និង effect មួយចំនួនសំរាប់ទាក់ទាញភ្នែកតែប៉ុណ្ណោះ។ ដូច្នោះ មានកត្តាជាច្រើនដែលអាចមានឥទ្ធិពលលើការជ្រើសរើសយើងកម្មវិធី ឬ ឧបករណ៍ណាមួយយកមកប្រើ នៅពេលណា, ព្រោះ អ្វី, ដើម្បីអ្វី។
២.បច្ចេកវិទ្យា
គ្មាននរណាម្នាក់ចង់ប្រើប្រាស់សំភារៈហួសសម័យនោះទេ លើកលែងតែមនុស្សនោះមិនទាន់សម័យ ឬ ឧបករណ៍នោះ ពិតជាមានគុណភាពល្អលើសគេមែន។ ដូចគ្នាដែរ web site អាចសរសេរដោយដៃសុទ្ធ, អាចប្រើរូបភាពមួយផ្ទាំងជំនួសក៏បាន, អាចដំនើរការលើកម្មវិធី web ដែលគេគ្រប់គ្រងឲ្យហើយក៏បាន (wordpress.com, tumblr.com, blogger.com), ម្ចាស់គេហទំព័រអាចដំឡើងដោយខ្លួនឯងក៏បាន (WordPress, Joomla, Drupal, Typo3…), ឬ ក៏ក្រុម developer ណាមួយត្រូវបង្កើតឡើងថ្មីសុទ្ធសាធដើម្បីឆ្លើយតបដំនើរការដោយឡែក ណាមួយដែល CMS មិនអាចធ្វើបាន។
សព្វថ្ងៃ យើងគួរពិចារណាដោយពឹងផ្អែកលើសុវត្ថិភាព (security) ជាចំបងដើម្បីជៀសវាងការវាយប្រហារណាមួយដោយមិនដឹងខ្លួន។ ជួនកាល ក្រុមហ៊ុនផ្សព្វផ្សាយផលិតផលខ្លះ ព្យាយាមធ្វើឲ្យ Search Engine បង្ហាញទំព័ររបស់ខ្លួននៅលើគេ (SEO: search engine optimization) ដោយធ្វើតាមទាំងផ្លូវភ្លឺ និង ផ្លូវងងឹត។ ជួនកាល ទំព័រនីមួយៗគួរតែមានកូដដែលត្រូវតាមស្តង់ដារបច្ចុប្បន្ន HTML, XHTML, strict, stransitional,…. ដែលត្រូវបានកំនត់និងកែសំរួលជាបន្តបន្ទាប់ដោយ w3c.org។ ជួនកាលបច្ចេកវិទ្យាខ្ពស់ពេក អាចតំរូវចិត្តតែសមាជិកមួយភាគ តូចដែលមានចំនេះដឹងគ្រប់គ្រាន់ដើម្បីប្រើប្រាស់ឧបករណ៍ដែលមាន ស្រាប់បានគ្រប់គ្រាន់។ បច្ចេកវិទ្យាទាបពេក គេហទំព័រយើងនឹងត្រូវបានអ្នកអានកប់ទុកក្នុងសារមន្ទីរជាមិនខាន។
Web 2.0 មិនមែនជាការផ្សព្វផ្សាយតែមួយផ្លូវទៀតឡើយ។ ទំព័រ ឬ អត្ថបទ ឬ រូបភាពណាមួយដែលយើងផ្សព្វផ្សាយ អាចអនុញ្ញាតិឱយអ្នកអានចូលរួមបញ្ចេញមតិ ឬ ចូលរួមបន្ថែមខ្លឹមសារ ឬ កែលំអដោយមិនចាំបាច់អ្នកមានចំនេះដឹងសរសេរកូដ HTML ទៀតឡើយ។ យើងក៏មិនអាចចាត់ទុកថា web site ជាកម្មវិធីនៅលើ desktop ទៀតឡើយ ព្រោះអ្នកចូលរួមកែប្រែខ្លឹមសារមានច្រើនគ្នា នៅពេលណាក៏បានឱយតែ Server ដំនើរការ។ ថ្វីបើបច្ចេកវិទ្យាមានលក្ខណៈសំបូរបែបយ៉ាងនេះក្ដី សុវត្ថិភាពនៅតែជាបញ្ហាចំបង។ Hackers តែងមានមធ្យោបាយថ្មីៗជ្រៀតចូលក្នុងទំព័រយើងជានិច្ច។ ដូច្នោះ ប្រព័ន្ធដំនើរការរបស់យើងត្រូវតែវិវត្តឱយបានឆាប់រហ័សបំផុត។
៣.អ្នកប្រើប្រាស់
បច្ចេកវិទ្យា ត្រូវសំរបទៅតាមកត្តាអ្នកប្រើប្រាស់ផងដែរ។ បើយើងបង្កើត web site សំរាប់មជ្ឈដ្ឋានទូទៅចូលរួមសរសេរអត្ថបទ ឬ upload រូបភាព ឬ វីដេអូ,… form ទាំងឡាយត្រូវរៀបចំឱយមានភាពងាយស្រួលបំផុត។ អ្នកទាំងនោះអាចជាអ្នកនិពន្ធ, អ្នកថតរូប, អ្នកស្រាវជ្រាវ ដែលមិនមានបទពិសោធន៍ទាល់តែសោះក្នុងការសរសេរកូដបានត្រឹមត្រូវ ដូច developers។ ឧទាហរណ៍ អ្នកចូលរួមសរសេរអត្ថបទគួរមើលឃើញ ត្រឹមតែចន្លោះសំរាប់ដាក់ចំនងជើងនិងអត្ថបទ អ្នកត្រួតពិនិត្យអាចកែប្រែអត្ថបទរបស់អ្នកដទៃបាន អ្នកគ្រប់គ្រងទំព័រអាចមានសិទ្ធិច្រើនជាងនេះទៀតដើម្បីគ្រប់គ្រង ទំព័រ…។
ជាធម្មតា អ្នកប្រើប្រាស់ចូលចិត្តធ្វើអ្វីតាមទំលាប់របស់គេ មើលឃើញយ៉ាងណាត្រូវតែបង្ហាញលទ្ធផលចុងក្រោយយ៉ាងហ្នឹង។ ខុសពី developers ដែលត្រូវរៀបចំដំនើរការខាងក្នុងទំព័ររបស់ខ្លួនឱយឆ្លើយតបឱយបាន ឆាប់រហ័ស។ ឧទាហរណ៍ ដើម្បីបង្ហាញអត្ថបទដែលបានរៀបចំហើយគេត្រូវចុច mouse បី ទៅ បួនដង ឬ ដើម្បីបង្ហោះរូបភាព ១០០ សន្លឹក គេត្រូវ submit ម្ដងមួយៗ នោះបានន័យថាយើងកំពុងលើកទឹកចិត្តឱយសមាជិកទាំងចាស់ទាំងថ្មី ឈប់ប្រើសេវាកម្មរបស់យើងហើយ។ Persona ជាពាក្យដែលគេប្រើញឹកញាប់ក្នុងដំនាក់កាលរៀបចំ prototype។ Developers អាចស្មានទុកមុនថាសមាជិកប្រភេទអ្វីខ្លះនឹងក្លាយជាអ្នកប្រើ ប្រាស់កម្មវិធីរបស់ខ្លួន ឧបករណ៍ណាខ្លះដែលគួរអនុញ្ញាតិឱយប្រើយោងទៅតាមតួនាទីរបស់សមាជិក នីមួយៗ។
ដូច្នោះ ការជ្រើសរើស CMS ឬ framework ណាមួយ មកប្រើក៏អាស្រ័យទៅតាមគោលដៅផងដែរ។ ជួនកាល ឧបករណ៍ខ្លះមានអ្នកប្រើច្រើនលើសលុបតែអ្នកទាំងនោះសុទ្ធតែអ្នក ស្រាវជ្រាវវិទ្យាសាស្ត្រ ឬ ត្រឹមតែអ្នកផ្សាយពាណិជ្ជកម្ម នឹងហុចលទ្ធផលខុសគ្នានៅពេលដែលយើងយកមកអនុវត្តចំពោះសមាជិករបស់ យើង
៤.ជំនួយបច្ចេកទេស
កម្មវិធីល្អមិនត្រឹមតែអាស្រ័យលើសុវត្ថិភាព និង ភាពងាយស្រួលដល់អ្នកប្រើប្រាស់ប៉ុណ្ណោះទេ។ ឧបករណ៍ជំនួយជាកត្តាសំខាន់សំរាប់ដោះស្រាយរាល់បញ្ហាដែលមិនចំពោះ មុខ។ Forum, chat room, professional service, ឬ មិត្តភ័ក្តិ គ្រាន់តែជាជំនួយបណ្ដោះអាសន្នតែប៉ុណ្ណោះ។ ក្រុម developers ត្រូវមានជាចាំបាច់ នូវឯកសារជំនួយដែលវិវត្តទន្ទឹមគ្នាទៅនឹង Version កម្មវិធីរបស់ខ្លួន។
ជួនកាល web site ខ្លះប្រើកម្មវិធី ដោយបង់ប្រាក់ដោយសារគេមានប្រាក់ផង គេមានសេវាកម្មបច្ចេកទេសដែលអាចទុកចិត្តផង។ ជួនកាល យើងប្រើកម្មវិធីកូដបើកចំហរ (FOSS) មិនប្រាកដថាមានអ្នកផ្ដល់សេវាកម្មបច្ចេកទេសពិតប្រាកដនៅឯណាទេ ក្រៅពីស្វែងរកតាម Internet។ បច្ចុប្បន្ន wiki software ត្រូវបានប្រើប្រាស់ ច្រើនបំផុតសំរាប់សរសេរឯកសារជំនួយព្រោះនរណាក៏អាចចូលរួមកែលំអរ ខ្លឹមសារបានគ្រប់ពេលវេលា។ ដោយចំនួនអ្នកប្រើប្រាស់ មានកាន់តែច្រើន ឯកសារជំនួយកាន់តែវិវត្តជាលំដាប់ ខុសពីកម្មវិធីដែលត្រូវបង់ប្រាក់ ដោយមានតែអ្នកប្រើប្រាស់មួយភាគតូច និង អ្នកបានផលចំនេញពីកម្មវិធីនោះទើបស្ម័គ្រចិត្តចូលរួមម្ដងម្កាល ដោយទើសទាល់។
៥. ស្វែងរកចំនូល
ការស្វែងចំនូលតាមរយៈ web site មិនមែនជារឿងពិបាកនោះទេ តែក៏មិនងាយស្រួលពេកដែរ ប្រសិនបើយើងមិនចេះដើរផ្លូវកាត់ ឬ មិនផ្ដោតទៅលើចំនូលជារឿងសំខាន់។ គេហទំព័រពត៌មាន, រូបភាព, វីដេអូ, និង social network ទាក់ទាញអ្នកអានបានច្រើនបំផុត។ អ្នកទាំងនោះជួនកាលជាមនុស្សទំនេរគ្មានការធ្វើ រឺជាក្រុមផ្សព្វផ្សាយដែលស្វែងរកអតិថិជនប្រភេទមុននេះ។
web site ដែលអាចទុកចិត្តបាន គួរតែមានខ្លឹមសារបង្កើតឬសិក្សាដោយផ្ទាល់ខ្លួន អត្ថបទមិនចំលងគេ ឬ បង្ហាញត្រឹមក្ដីសង្ខេបរបស់អត្ថបទរបស់គេដើម្បីគាំទ្រមតិអ្វីមួយ របស់ខ្លួន។ មាន web site ជាច្រើនត្រូវបានបង្កើត ហើយដួលទៅវិញ ឬ ទុកចោលដោយសារគ្មានខ្លឹមសារដើម ឬ សង្ឃឹមទាក់ទាញអ្នកចូលរួមបានច្រើននៅពេលក្រោយទាំងមិនទាន់ដឹងថា ប្រធានបទរបស់ខ្លួននឹងត្រូវបកស្រាយពីអ្វីនៅឡើយ។
Domain name មួយតំលៃ ១០$ , web host មធ្យម ៧$ ក្នុងមួយខែ ឬ ក៏អាចរកបានថោកជាងនេះ រហូតដល់ 2$ ក៏មាន។ ដូច្នោះ ការបង្កើត web site មិនមែនពឹងផ្អែកទាំងស្រុងលើ developers នោះទេ។ ម្ចាស់ទំព័រត្រូវគូសវាសទុកជាមុននូវខ្លឹមសារ និងការរៀបចំឱយបានត្រឹមត្រូវ, ច្បាស់លាស់, និងងាយស្រួលស្វែងរកសំរាប់មជ្ឈដ្ឋានទូទៅ។ ការបង្ហាញផ្ទាំងផ្សាយពាណិជ្ជកម្ម ស្វែងរកចំនូលជារឿងបន្ទាប់បន្សំ បន្ទាប់ពីទំព័រយើងមានប្រជាប្រិយភាពតែប៉ុណ្ណោះ។
តើអ្វីជា WordPress ?
WordPress គឺជាប្រព័ន្ធគ្រប់គ្រងមាតិការដែលគេប្រើសម្រាប់បង្កើតគេហទំព័រ និងបង្កើត ប្លុក។ ប្លុក WordPress គឺជាប្លុកដែលពេញនិយមជាងគេពីសំណាក់អ្នកប្រើប្រាស់ ព្រោះវាផ្តល់ ភាពងាយ ស្រួល ក្នុងការបង្កើតគេហទំព័រផ្ទាល់ខ្លួនមួយបានដោយមិនចាំបាច់ចេះកូដនោះទេ។ យើងប្រើ ប្លុក WordPress ដើម្បីរាប់អានមិត្តភក្តិនិងចែករំលែកចំនេះដឹងគ្នាទៅវិញទៅមក។
ខាងក្រោមនេះអាយធីកូនខ្មែរនឹងលើកពីរបៀបបង្កើតប្លុក WordPress ដល់មិត្តទាំងអស់គ្នា ប៉ុន្តែ មុន នឹងយើងបង្កើត យើងត្រូវដឹងថាខ្លួនឯងថាតើយើងបង្កើតប្លុកនេះក្នុងគោលបំណងអ្វី ដូចជា ដើម្បីចែករំលែកបទពិសោធន៍ជីវិត ចែករំលែកពីចំនេះដឹងផ្នែកពត៌មានវិទ្យា ឬអំពី អក្សរសាស្ត្រ ខ្មែរ ជាដើម។ បន្ទាប់មក ទើបយើងរៀបចំឯកសាររបស់យើង និងបែងចែកវា ទៅតាម ប្រភេទ និមួយៗ។ ការធ្វើបែបនេះ គឺផ្តល់ ភាពងាយស្រួលដល់យើងនៅពេលយើងចាប់ផ្តើមបង្តើត ។
របៀបចុះឈ្មោះ
១. មុនដំបូងយើងចូលទៅកាន់គេហទំព័ររបស់wordpressគឺ www.wordpress.com។
២. ចុចលើប៊ូតុង Get Start Here ឬ Sign Up now
៣. បន្ទាប់មកបំពេញពត៌មានដូចខាងក្រោម
បន្ទាប់ពីបំពេញបានត្រឹមត្រូវហើយ ចុចលើប៊ូតុង Sign Up ជ្រើសរើសយក Free Create blog បន្ទាប់មក log ចូលក្នុង អ៊ីម៉ែលដើម្បី Activate Blog។
ជ្រើសរើសភាសា km-ខែ្មរ រួចហើយជ្រើសរើសយក theme ណាមួយដែលលោកអ្នកពេញចិត្ត
៣. បន្ទាប់មកបំពេញពត៌មានដូចខាងក្រោម
បន្ទាប់ពីបំពេញបានត្រឹមត្រូវហើយ ចុចលើប៊ូតុង Sign Up ជ្រើសរើសយក Free Create blog បន្ទាប់មក log ចូលក្នុង អ៊ីម៉ែលដើម្បី Activate Blog។
ជ្រើសរើសភាសា km-ខែ្មរ រួចហើយជ្រើសរើសយក theme ណាមួយដែលលោកអ្នកពេញចិត្ត
៤. បន្ទាប់ពីបាន Sign Up រួចហើយ យើងមិនទាន់អាចប្រើប្រាស់បានទេ ដើម្បីអាចប្រើ ប្រាស់ បាន យើងត្រូវចូលទៅកាន់ Email ដែលយើងបានបំពេញខាងលើ ដើម្បី Activate។ពេលដែលយើងបើក Email យើងនឹង Message មួយដែល wordpress ផ្ញើមក រួចហើយ យើងបើក Mail នោះ បន្ទាប់មកចុចលើ Link មួយ ជាការស្រេច។ នៅពេលនេះ ការចុះឈ្មោះរបស់ យើងទទួលបានជោគជ័យហើយ យើងអាច Login ដើម្បីប្រើ ប្រាស់ និង ធ្វើអ្វីទៅតាម ដែលយើង ចង់បាន។
របៀបប្តូររាងរៅរបស់ប្លុកWordPress វាមានរាងរៅជាច្រើនដើម្បីឲ្យយើងធ្វើការជ្រើសរើសទៅតាមចំណង់ចំនូលចិត្ត របស់ យើងហើយប្តូរ យើងត្រូវអនុវត្តដូចខាងក្រោម
1. ចូលទៅកាន់ Menu មួយដែលមានឈ្មោះថា រាងរៅ បន្ទាប់មកចុចលើ ម៉ូដប្លុក
របៀបប្តូររាងរៅរបស់ប្លុកWordPress វាមានរាងរៅជាច្រើនដើម្បីឲ្យយើងធ្វើការជ្រើសរើសទៅតាមចំណង់ចំនូលចិត្ត របស់ យើងហើយប្តូរ យើងត្រូវអនុវត្តដូចខាងក្រោម1. ចូលទៅកាន់ Menu មួយដែលមានឈ្មោះថា រាងរៅ បន្ទាប់មកចុចលើ ម៉ូដប្លុក
2. នៅពេលនោះវានឹងបង្ហាញរាងរៅជាច្រើន បន្ទាប់មកយើងអាចជ្រើសរើសរាងរៅណាមួយ ដែល យើង ចូលចិត្ត ( តែមានរាងរៅខ្លះ តំរូវឲ្យយើងទិញ)។
3. បន្ទាប់ពីយើងជ្រើសរើសរាងរៅដែលយើងចង់បានរួចហើយ យើងចុចលើ យកមកប្រើដើម្បីយករាងរៅ នោះមក ប្រើជារាងរៅប្លុករបស់យើង។ មើលសាក ដើម្បីចុចមើលសាកល្បង ថាតើ រាងរៅនេះពេញចិត្ត របស់យើង ដែរឬទេ។ បន្ទាប់មកប្លុករបស់យើងនឹងផ្ទាស់ប្តូររាងទៅតាមដែលយើងបានធ្វើការផ្លាស់ប្តូរ។៤. របៀបប្តូរផ្ទៃខាងក្រោយ ដើម្បីប្តូរផ្ទៃខាងក្រោយ មុនដំបូងយើងចូលទៅកាន់ រាងរៅ រួចចុច ផ្ទៃខាងក្រោយ
បន្ទាប់មកយើងចុចលើប៊ូតុង Browse ដើម្បីជ្រើសរើសរូបភាពដែលយើងចង់យកមក ធ្វើជាផ្ទៃ ខាងក្រោយ រួចចុចលើប៊ូតុង អាប់ឡូត។ សំគាល់ : ជាទូទៅផ្ទៃខាងក្រោយ គេមិនយករូបភាពដែល ធំណោះទេ ព្រោះធ្វើឲ្យប្លុក របស់ យើងដើរយឺត។ គេច្រើនយករូបភាពតូចល្មម រួចចាំយកធ្វើការ Repeat វាដើម្បីឲ្យពេញផ្ទៃខាងក្រោយ។
៦. របៀបបង្កើតចំណាត់ក្រុមនៃប្រកាស ការបង្កើតចំណាត់ក្រុម គឺដើម្បីរៀបចំអត្ថបទរបស់ យើងនៅ ជាក្រុមៗ ដើម្បីឲ្យប្លុករបស់ យើង មាន សណ្តាប់ធ្នាប់ និង ងាយស្រួលដល់អ្នកទស្សនា ក្នុងការ អាន ឬ ស្វែងរកអ្វីមួយ។ ឧទាហរណ៍ បើប្លុករបស់យើងនិយាយអំពីអាយធី ដូចនេះ ចំណាត់ក្រុម របស់យើងអាច មាន ដូចជា មេរៀន C ចំណេះអំពីមេរោគ ចំនេះដឹងអំពីកុំព្យទ័រ ចំនេះដឹងផ្នែក អ៊ិនធ័រណិតជាដើម។ ដើម្បី បង្កើតចំណាត់ក្រុម មុនដំបូងយើងចូលទៅកាន់ ប្រកាស រួចចុចលើ ចំណាត់ក្រុម
បន្ទាប់មកវានឹងបង្ហាញដូចរូបខាងក្រោម
(១) បំពេញឈ្មោះរបស់ចំណាត់ក្រុម(២) បន្ទាប់ពីយើងដាក់ឈ្មោះចំណាត់ក្រុមរួចហើយ យើងចុចលើប៊ូតុង បន្ថែមចំណាត់ក្រុម
(៣) មេ : ត្រង់ចំណុចនេះចង់មានន័យថា គឺការកំណត់ឲ្យចំណាត់ក្រុមណាមួយ ស្ថិតនៅក្នុង (ជាកូន) ចំណាត់ក្រុមណាមួយផ្សេងទៀត។ ឧទាហរណ៍ យើងមានចំណាត់ក្រុមមួយឈ្មោះថា ភាសាកុំព្យូទ័រ ហើយពេលក្រោយទៀត យើងបង្កើតចំណាត់ក្រុមមួយទៀត ឈ្មោះថា ភាសា C ។ ដោយចំណាត់ក្រុម ភាសាC ជាស្ថិតនៅក្នុង ភាសាកុំព្យូទ័រ ដូចនេះយើងត្រូវកំណត់មេរបស់វាជា ភាសាកុំព្យូទ័រ។
(៤) ករណីដែលយើងបង្កើតចំណាត់ក្រុមខុស យើងក៏អាចប្រើការប្រែសំរួលឡើងវិញបានដែល ដោយ ចុចលើប៊ូតុង កែប្រែ។
៧. របៀបប្រកាសអត្ថបទ ដើម្បីធ្វើការប្រកាសអត្ថបទផ្សេងដែលយើងចង់បាន មុនដំបូងចូលទៅកាន់ ប្រកាស រួចចុចលើ ប្រកាសថ្មី ពេលនោះវានឹងបង្ហាញមួយដើម្បីឲ្យយើងធ្វើការសរសេរអត្ថបទរបស់យើង ដែលមាន ឧបករណ៍ជាច្រើនដើម្បីឲ្យយើងប្រើប្រាស់។ បន្ទាប់ពីយើងសរសេររួច យើងត្រូវកំណត់ ចំណាត់ ក្រុមឲ្យ អត្ថបទរបស់យើងថា តើអត្ថបទដែល យើង កំពុងសរសេរនេះ ស្ថិតនៅក្នុងចំណាត់ក្រុមមួយណា។
ទន្ទឹមនឹងនេះ យើងក៏អាចបង្កើតចំណាត់ក្រុម នៅក្នុងនេះបានដែរ ដោយចុចលើប៊ូតុង បន្ថែម ចំណាត់ ក្រុម។ បន្ទាប់យើងបានរៀបអត្ថបទរបស់យើងបានរួចរាល់យើង យើងចុចលើប៊ូតុង ផ្សព្វផ្សាយ ជាការ ស្រេច នៅពេលនោះមិត្តភក្តិវ៉ដប្រេស និង អ្នកទស្សនានឹងមើលឃើញ អត្ថបទរបស់យើង ដែល ទើបតែប្រកាស។
ចំណាត់ក្រុមដែលយើងបានបង្កើតហើយ តាមរាងរៅខ្លះវាបង្ហាញ តែ រាងរៅខ្លះវាមិនទាន់ អាច បង្ហាញទេ ទាល់តែយើងបន្ថែមរបាខាងទៀត ទើបវាបង្ហាញ។ខាងក្រោមនេះគឺជារបៀបបង្ហាញ ចំណាត់ក្រុមនៅរបាខាង ៖១. មុនដំបូងយើងចុច រាងរៅ រួចយក វិដជិត(widget) បន្ទាប់មកស្វែងរក វិដជិត មួយដែលមាន ឈ្មោះថា ចំណាត់ក្រុម។
២. បន្ទាប់មក យក Mouse ចាប់ទាញយវាទៅដាក់នៅលើប្លុក របាខាង រួចដាក់ចំណងជើង ជាឲ្យវាជាការ ស្រេច។
សំគាល់: រាល់ចំណាត់ក្រុមណាដែលមិនទាន់មាន ប្រកាស នោះវាមិនទាន់បង្ហាញទេ។៨. ការកំណត់ចំនួននៃការបង្ហាញអត្ថបទ
ជាទូទៅ នៅពេលដែលយើងធ្វើការប្រកាស ពេលនោះវានឹងបង្ហាញនៅលើទំព័រដើមរបស់យើង ដូចនេះ នៅពេលដែលប្រកាសរបស់យើង កាន់តែច្រើនពេលនោះ ធ្វើឲ្យរាល់ការបើកប្លុករបស់ យើង ម្តងៗមាន ការសភាពយឺត ដូចនេះយើងត្រូវកាត់បន្ថយចំនួននៃការបង្ហាញប្រកាសរបស់ យើង។ ដើម្បី ចូល ទៅ កំណត់ យើងចូលទៅកាន់ ការកំណត់នានា រួចចុចលើ អំណាន
បន្ទាប់មក កំណត់ចំនួនប្រកាសដែលយើងចង់បង្ហាញនៅលើទំព័រដើម
រួចចុចលើប៊ូតុង រក្សាបំលាស់ប្តូរ៩. របៀបបង្កើតទំព័រ
លក្ខណៈខុសគ្នារវាង ប្រកាស និង ទំព័រ គឺ រាល់ប្រកាស ដែលយើងបានផ្សព្វផ្សាយ វានឹងបង្ហាញ នៅ លើទំព័រដើម។ ចំនែកឯទំព័រវិញវាមិនបង្ហាញនៅលើទំព័រដើមទេគឺវាបង្ហាញនៅលើទំព័រខ្លួនវាផ្ទាល់។
ដើម្បីបង្តើត ទំព័រ មុនដំបូងចូលទៅកាន់ ទំព័រ រួចចុចលើ ទំព័រថ្មី
ពេលនោះវានឹងបង្ហាញផ្ទាំងមួយឲ្យ យើងសរសេរអត្ថបទ និង ធ្វើការកំណត់ផ្សេងៗ។
នៅក្នុងការបង្កើត ទំព័រនេះផងដែរ មានចំនុចសំខាន់មួយទៀតគឺ ទំព័រមេ។ ទំព័រមេ គឺវាមាន លក្ខណៈដូចគ្នាទៅនឹង ចំណាត់ក្រុមនោះដែរ គឺដើម្បីកំណត់ថាតើ ទំព័រមួយជា កូន របស់ទំព័រណា មួយទៀត។
ការសរសេរ និង កំណត់រួចរាល់ហើយ យើងចុចលើប៊ូតុង ផ្សព្វផ្សាយ ជាការស្រេច។១០. របៀបដាក់ដំណភ្ជាប់
តំណភ្ជាប់ គេប្រើដើម្បីដាក់ អាស័យដ្ឋាននៃប្លុក ឬ គេហទំព័រផ្សេង ហើយពេលយើងចុចលើវា ពេល នោះវានឹងបើកប្លុក ឬ គេហទំព័រនោះ។ ដើម្បីបង្កើតតំណភ្ជាប់ យើងចុចលើ តំណភ្ជាប់ រួចចុចលើ បន្ថែមថ្មី
នៅក្នុងតំណភ្ជាប់យើងក៏មាន ចំណាត់ក្រុម ដូចទៅនឹងប្រកាសដែរ។ ដូចនេះមុននឹងបង្កើត តំណ ភ្ជាប់ យើងត្រូវបង្កើតចំណាត់ក្រុម នៃតំណ ភ្ជាប់របស់យើងជាមុនសិន ដើម្បីគ្រប់តំណភ្ជាប់ និង ដើម្បី ងាយស្រួលដល់អ្នកទស្សនា។ឧទាហរណ៍ : ចំណាត់ក្រុមពី គេហទំព័រពត៌មាន, គេហទំព័រ ឬ ប្លុក និយាយពី អាយធី ជាដើម។ របៀបនៃការបង្កើតចំណាត់ក្រុមនៃតំណភ្ជាប់នេះ វាមាន លក្ខណៈ ស្រដៀងទៅនឹង ចំណាត់ក្រុមនៃ ប្រកាសដែរ។ ពេលដែលយើងចុចលើ បន្ថែមថ្មី នោះវានឹង បង្កាញផ្ទាំងមួយដើម្បីឲ្យយើងបំពេញ ពត៌មាន ផ្សេងៗ នៃតំណភ្ជាប់។
ដូចគ្នាទៅនឹងចំណាត់ក្រុមនៃប្រកាសដែរ នៅពេលដែលយើងបង្កើត តំណភ្ជាប់រួច វាមិនទាន់ បង្ហាញឲ្យយើងឃើញទេ។ ដើម្បីបង្ហាញតំណភ្ជាប់នៅរបាខាងយើងធ្វើតាមវិធីខាងក្រោម:១. មុនដំបូងយើងចុច រាងរៅ រួចយក វិដជិត(widget) បន្ទាប់មកស្វែងរក វិដជិតមួយ ដែល មានឈ្មោះថា តំណភ្ជាប់។
២. ទាញយក វិដជិត នោះទៅដាក់នៅត្រង់ប្លុក របាខាង រួចចុចលើប៊ូតុង រក្សាទុកជាការស្រេច។
១១. ប្រកាសអត្ថបទជា Image Gallery និង ស្លាយនៅក្នុងអត្ថបទនេះ នឹងបង្ហាញឲ្យយើងដឹងពីរបៀបប្រកាសអត្ថបទដែលមាន Image Gallery និងស្លាយនៃរូបភាពរបស់យើង។ មុនដំបូងយើងចូលទៅកាន់ ប្រកាស រួចចុចលើ បន្ថែមថ្មី បន្ទាប់មកចុចលើរូប អាយខុន(បន្ថែមរូបភាព)
បន្ទាប់មកយើង ចុចលើប៊ូតុង ជ្រើសរើសឯកសារ ដើម្បីអាប់ឡូដរូបភាព ។ ពេលអាប់ឡូដ រូបភាព បានមួយហើយ យើងកុំទាន់ចុចអ្វីផ្សេង គឺយើងចុចលើប៊ូតុង ជ្រើសរើសឯកសារ ម្តង ទៀត ដើម្បីអាប់ឡូដរូបភាពបន្ថែមទៀត។បន្ទាប់ពីអាប់ឡូដរូបភាពតាមដែលយើងចង់បានរួចហើយ យើងចុចលើប៊ូតុង រក្សាទុកបំលាស់ ប្តូរ
បន្ទាប់មកវានឹងបង្ហាញផ្ទាំងមួយទៀតដូចខាងក្រោម
ដល់ដំណាក់កាលនេះ យើងមានជំរើសពីរគឺ បើយើងចុចលើប៊ូតុង បញ្ចូលទីតាំពិពណ៌ ពេល នោះយើង នឹងបង្កើតបានជា Image Gallery តែបើយើងចុចលើប៊ូតុង Insert Slide ពេល នោះយើង នឹង ទទួលបាន ស្លាយរូបភាព។ លទ្ធផលនៃការចុចលើប៊ូតុង បញ្ចូលទីតាំពិពណ៌លទ្ធផលនៃការចុចលើប៊ូតុង Insert Slide
១២. បន្ថែមប៊ូតុងចែករំលែកទៅឲ្យអត្ថបទប៊ូតុងចែករំលែកគឺជាប៊ូតុងដែលអាចឲ្យអ្នកទស្សនាចែករំលែកអត្ថបទរបស់យើងទៅកាន់មិត្តភក្តិ ដទៃទៀត តាមរយៈបណ្តាញសង្គមជាច្រើន ដូចជា Facebook,Google+,Twitter និង ជាច្រើន ទៀត។ ដើម្បីបន្ថែម មុនដំបូងយើងចុចលើ ការកំណត់នានា រួចចុចលើ ការចែករំលែក
បន្ទាប់មកវានឹងមានបង្ហាញដូចរូបខាងក្រោម
ដូចរូបខាងលើ ដើម្បីបន្ថែមប៊ូតុងយើងគ្រាន់តែចាប់ទាញ រូបអាខុន នៃបណ្តាញសង្គមទាំងនោះ មកដាក់ កន្លែង ដូចដែលបានចង្អុល(ដាក់មួយណាក៏បាន) ជាការស្រេច ។
ខាងក្រោមនេះគឺជា លទ្ធផលនៃការបន្ថែមប៊ូតុងចែករំលែករបស់យើង
១៣. របៀបដាក់រូប អាយខុនរូបអាយខុន គឺជារូបតំណាងឲ្យប្លុករបស់យើង ដែលវាបង្ហាញនៅលើ TitleBar និងAddress Bar។ខាងក្រោមនេះគឺជារបៀបនៃការដាក់រូបអាយខុនចូលទៅកាន់ ការកំណត់នានា បន្ទាប់មកចុចលើ ទូទៅ
នៅពេលនេះវានឹង បង្ហាញទំព័រមួយ ដូចរូបខាងក្រោម
ដូចរូបខាងលើនេះ គឺយើងចុចលើប៊ូតុង Browse ដើម្បីស្វែងរករូបភាពតំណាងសម្រាប់ប្លុករបស់យើងបន្ទាប់មកចុចលើប៊ូតុង អាប់ឡូដរូបភាពដើម្បីធ្វើការអាប់ឡូដរូបភាពនោះ។ បន្ទាប់ ពីយើងអាប់ឡូដរួចហើយវានឹងបង្ហាញទំព័រមួយទៀត ដែលអាចឲ្យយើងតំរឹមរូបភាព។
បន្ទាប់ពីធ្វើការតំរឹមរួចហើយ យើងចុចលើប៊ូតុង ច្រឹបរូបភាព។ បន្ទាប់មកទៀត ចុចលើត្រលប់ទៅជំរើសប្លុក ជាការស្រេច។១៤. របៀបដាក់រូបតំណាងម្ចាស់ប្លុកនៅពេលដែលយើងមិនទាន់បានដាក់រូបតំណាងខ្លួនយើង ពេលនោះពេដែលយើង បញ្ចេញមតិ ទៅលើ ប្លុកមិត្តភក្តិយើង ឬក៏ប្លុករបស់យើង នោះ WordPress វានឹងបង្ហាញរូបភាព Random ឲ្យ យើង។
ដូចនេះ ដើម្បី កំណត់រូបតំណាងដែលយើងចង់បាន សូមធ្វើតាមការបង្ហាញ ដូចខាងក្រោម៖
មុនដំបូងចុច លើ អ្នកប្រើប្រាស់ រួចចុចលើ ពត៌មានផ្ទាល់ខ្លួនរបស់ខ្ញុំ
បន្ទាប់មកវានឹងបង្ហាញទំព័រមួយទៀត ហើយដើម្បីដាក់រូបតំណាង យើងចុចលើប៊ូតុង ផ្លាស់ប្តូរ ក្រាវើថររបស់អ្នក
បន្ទាបមក វានឹងបង្ហាញផ្ទាំងមួយ ដើម្បីឲ្យយើងធ្វើការ អាប់ឡូដរូបភាព ដែលយើងចង់បាន។ វាមានវិធីជាច្រើនដើម្បីឲ្យយើងអាប់ឡូដរូបភាព តែពេលនេះ ខ្ញុំសូមជ្រើសរើសវិធីទី១ គឺ អាប់ឡូដ រូបភាពពីកុំព្យូទ័ររបស់យើង។ដូចនេះ យើងចុចលើ Upload a new image from your computer
១៥. របៀបយកឯកសារ Flash (.swf) ឬ ហ្គេម Flash មកដាក់លើប្លុកនៅក្នុងប្លុក WordPress វាបានអនុញ្ញាតឲ្យយើងយកឯកសារ Flash (.swf) មកដាក់លើ ប្រកាស ឬ វិដជិត ជាដើម ដែលអាចឲ្យដាក់ជា ផ្ទាំងផ្សព្វផ្សាយពាណិជ្ជកម្មដែលមាន Animation ស្អាតៗ និង ម្យ៉ាងទៀតអាចដាក់ហ្គេម សម្រាប់លេងនៅលើប្លុកបានទៀតផង។ ដើម្បីយកឯកសារ .swf មកដាក់លើប្លុករបស់យើង សូមអនុវត្តតាមជំហ៊ានខាងក្រោម៖
១. មុនដំបូងយើងត្រូវមាន អាស័យដ្ឋានរបស់ ឯកសារ .swf ដែលយើងចង់ដាក់ជាមុនសិន។ ហើយ ដើម្បីដឹងអាស័យដ្ឋានរបស់ ឯកសារ .swf នៅលើគេហទំព័រ សូមចុចទីនេះ។
២. យើងអាចដាក់ឯកសារ .swf នៅលើ ប្រកាសរបស់យើងក៏បាន និង នៅលើ របាខាងក៏បាន ដោយប្រើ វិដជិតមួយដែលមានឈ្មោះថា អត្ថបទ (អាចសរសេរកូដ HTML)។ តែនៅពេលនេះ ខ្ញុំសូមលើកយក ពីរបៀបដាក់នៅលើ ប្រកាស មកបង្ហាញ។ មុនដំបូងយើងចូលទៅ ប្រកាស រួចចុច លើ បន្ថែមថ្មី ដើម្បីបង្កើតប្រកាសថ្មី។ បន្ទាប់មកចុចលើអក្សរកូដ HTML។
៣. បន្ទាប់មក សរសេរកូដដូចទំរង់ ខាងក្រោម៖
១៦. របៀបដាក់ឯកសារ audio (.mp3) នៅលើប្លុកនៅក្នុង wordpress វាអនុញ្ញាតឲ្យយើងដាក់ឯកសារ audio ដូចជាបទចំរៀង ឬ ឯកសារផ្សេងៗ។ ប៉ុន្តែ វាមិនអនុញ្ញាតឲ្យយើងអាប់ឡូដចូលទេ ដើម្បីអាប់ឡូដទាល់តែយើងទិញសេវាកម្មរបស់វា។ ដូចនេះ ដើម្បីអាចដាក់បាននោះ យើងត្រូវអាប់ឡូដឯកសារ audio របស់យើងនៅលើគេហទំព័រផ្សេងសិន។ខាងក្រោមនេះ
ខ្ញុំនឹងបង្ហាញពីការដាក់ឯកសារចំរៀងនៅក្នុងប្រកាស មុនដំបូងចូលទៅ ប្រកាស → ប្រកាសថ្មី បន្ទាប់មកចុចប្តូរពីគំហើញ ទៅជា សរសេរកូដ HTML
សំគាល់: address-of-file :គឺជាអាស័យដ្ឋានឯកសាររបស់យើងដែលយើងបានអាប់ឡូដរួចដូចរូបខាងក្រោម
បន្ទាប់មកចុចប៊ូតុង ផ្សព្វផ្សាយ ពេលនេះ ការដាក់ ឯកសារជា audio របស់យើងបានជោគជ័យហើយ តោះយើងស្តាប់ទាំងអស់គ្នា 
!
0 comments