គន្លឹះ៧យ៉ាងក្នុងការភ្ជាប់ប្រព័ន្ធ Wi-Fi

ការប្រើប្រាស់អ៊ីនធឺណេតតាមរយៈការភ្ជាប់តាម Wi-Fi មានលក្ខណៈងាយស្រួលជាពិសេសសម្រាប់ការភ្ជាប់ពី Laptop និងទូរសព្ទដៃ ។ តែនាពេលខ្លះលោកអ្នកមិនអាចភ្ជាប់បាន ដែលអាចបណ្ដាលមកពីបញ្ហាមួយចំនួន ។ ខាងក្រោមនេះជាដំណោះស្រាយខ្លះៗ៖

១. ធ្វើការត្រួតពិនិត្យកុងតាក់ Wireless លើកុំព្យូទ័រ

តើអ្នក ធ្លាប់ភ្ជាប់អ៊ីនធឺណេតតាម Wi-Fi នៅតាមហាងកាហ្វេ ឬកន្លែងអង្គុយលេងនានាដែរ ឬទេ? ប្រសិនបើលោកអ្នកមិនអាចភ្ជាប់ទៅ Wi-Fi បានទេ លោកអ្នកអាចសាកមើលកុងតាក់ Wireless លើ Laptop របស់លោកអ្នកបើកហើយ ឬនៅ? ឬចុច keyboard Fn + key wireless ។

២. ធ្វើការ Restart កុំព្យូទ័រ ឬក៍ Wireless Router

ប្រសិនបើលោកអ្នកនៅតែមិនអាចភ្ជាប់នូវ wireless បានទៀតសូមធ្វើការ restart កុំព្យូទ័ររបស់លោកអ្នក ហើយបើនៅតែមិនអាចឃើញ wireless list ទៀត

នោះវាអាច មកពីឧបករណ៍ wireless router ផងដែរ ។ ដូចនេះលោកអ្នកអាចសាកល្បង restart វាដោយគ្រាន់តែដកខ្សែ adaptor ចេញពី router ហើយទុក្ខចោលរយៈពេលប្រហែល ៥នាទីទៅ១០នាទី រួចដោតចូលវិញនោះ wireless router របស់លោកអ្នកនឹងដំណើរការស្រួលដូចធម្មតាវិញ ។
៣. ការប្ដួរ Channel Wi-Fi នៅលើ Router
ជាធម្មតា wireless routers តែងតែប្រើល្បឿន ២.៤GHz ជាមួយនឹងការប្រើ channels ។ មានតែ៣ channel ដែលអាចដំណើរការយ៉ាងរលូនដោយគ្មានការស្ទួនគ្នាជាមួយនឹង channels ដទៃទៀតគឺ channels ១, ៦ និង ១១ ។ ដើម្បីប្ដូរ channels នៅលើ router សូម login ចូលទៅកាន់ router ដោយបើក browser Firefox ឬ Chrome រួចវាយ IP ទូទៅរបស់ router គឺ 192.168.1.1 ឬ 192.168.0.1 រួចបញ្ចូល username និង password របស់ Router ។

ប្រសិនបើ IP ខាងលើមិនត្រឹមត្រូវ លោកអ្នកអាចដឹង IP router ដោយចុច Start => Run រួចវាយពាក្យ cmd ពេលផ្ទាំង command prompt បើកឡើងវាយពាក្យ ipconfig នោះអ្នកនឹងឃើញ IP របស់ router ត្រង់កន្លែង default gateway ។